دریائے ستلج، راوی اور چناب میں پانی کے بہاؤ اور سیلاب کی تازہ رپورٹ جاری

پی ڈی ایم اے کی رپورٹ

لاہور(ڈیلی پاکستان آن لائن) پی ڈی ایم اے نے دریائے ستلج، راوی اور چناب میں پانی کے بہاؤ کی تازہ ترین صورتحال سے متعلق رپورٹ جاری کردی ہے۔

یہ بھی پڑھیں: فیصل آباد: نجی سوسائٹی میں مالک مکان کے مبینہ تشدد سے 13سالہ ملازمہ جاں بحق

دریائے ستلج کی حالت

رپورٹ کے مطابق دریائے ستلج میں گنڈا سنگھ کے مقام پر انتہائی اونچے درجے کا سیلاب ہے اور پانی کا بہاؤ 2 لاکھ 53 ہزار 68 کیوسک ریکارڈ کیا گیا ہے۔

یہ بھی پڑھیں: ڈاکٹر یاسمین راشد کی کوٹ لکھپت جیل میں طبیعت خراب، ہسپتال منتقل کرنا پڑگیا

دریائے چناب کی حالت

دریائے چناب میں ہیڈ تریموں کے مقام پر انتہائی اونچے درجے کا سیلاب ہے اور پانی کا بہاؤ 5 لاکھ 50 ہزار 9 سو 65 کیوسک ہے۔

دریائے راوی کی حالت

دریائے راوی میں سدھنائی کے مقام پر انتہائی اونچے درجے کا سیلاب ہے جہاں پانی کا بہاؤ 98 ہزار 2 سو 50 کیوسک ریکارڈ کیا گیا ہے۔ ہیڈ بلوکی کے مقام پر پانی کا بہاؤ 1 لاکھ 52 ہزار 415 کیوسک، ہیڈ سلیمانکی پر پانی کا بہاؤ 1 لاکھ 24 ہزار 274 کیوسک، جسٹر کے مقام پر پانی کا بہاؤ 71 ہزار کیوسک اور شاہدرہ کے مقام پر پانی کا بہاؤ 66 ہزار کیوسک ریکارڈ کیا جا رہا ہے۔