لاہور کے سرکاری ہسپتالوں سے نومولود بچوں کے اغوا کا سلسلہ تھم نہ سکا،جنرل ہسپتال سے 2روز کا بچہ اغوا

نومولود بچوں کے اغوا کی تازہ ترین واردات

لاہور (ڈیلی پاکستان آن لائن) سرکاری ہسپتالوں سے نومولود بچوں کے اغوا کا سلسلہ تھم نہ سکا۔ جنرل ہسپتال کی نرسری سے نومولود بچہ غائب ہوگیا۔ پرنسپل نے 2 ملازمین کو معطل کردیا ہے۔

یہ بھی پڑھیں: بنگلہ دیشی فوج میں اعلیٰ سطح پر بڑی تبدیلیاں، چیف آف جنرل سٹاف کی تبدیلی، بھارت میں تعینات دفاعی مشیر کی ترقی

تفصیلات

سٹی 42 کے مطابق جنرل ہسپتال میں 2 روز قبل کاہنہ کی زینت بی بی کے ہاں بیٹا پیدا ہوا۔ پیدائش کے بعد بچے کو نرسری میں زیر نگرانی رکھا گیا۔ آج دوپہر والد محمد افضال کو بتایا گیا کہ بچہ غائب ہوگیا ہے۔ سی سی ٹی وی میں 2 نقاب پوش خواتین پر بچہ لیجانے کا شک کیا جا رہا ہے۔ ایمرجنسی میں بدانتظامی و سکیورٹی کی ابتر صورتحال بچہ غائب ہونے کا باعث بنی۔

یہ بھی پڑھیں: جڑواں شہروں میں دفعہ 144 میں ایک بار پھر توسیع

انتظامی کاروائیاں

جنرل ہسپتال کے پرنسپل پروفیسر فاروق افضل نے نوٹس لیتے ہوئے انتظامیہ سے فوری رپورٹ طلب کر لی ہے۔ جبکہ وارڈ کی آئیشکیلہ بی بی اور محمد عثمان کو فوری طور پر معطل کر دیا گیا ہے۔ وارڈ سسٹر انچارج اور اسٹاف نرس کی جوابی طلبی کرتے ہوئے محکمانہ کارروائی کا آغاز کیا جا رہا ہے۔

یہ بھی پڑھیں: برطانیہ میں اعزازات کا حصول ہماری پیشہ ورانہ قابلیت و تکنیکی مہارت کا منہ بولتا ثبوت ہے: ایئر چیف

پرنسپل کا بیان

پرنسپل فاروق افضل کا کہنا ہے کہ غفلت کے مرتکب اہلکاروں کے خلاف سخت ایکشن ہوگا۔ بچے کی تلاش کے لیے پولیس کی خدمات حاصل کر لی گئی ہیں۔ ہسپتال انتظامیہ کو متاثرہ خاندان سے مکمل معاونت کرنے کی ہدایت کی گئی ہے۔