شدید زلزلے سے کتنی اموات ہوئیں اور کتنے گھروں کو نقصان پہنچا ؟افغان ہلال احمر نے تفصیلات بتا دیں

افغانستان میں شدید زلزلہ

کابل (مانیٹرنگ ڈیسک) افغانستان میں شدید زلزلے کے نتیجے میں کتنی اموات ہوئیں اور کتنے گھروں کو نقصان پہنچا؟ افغان ہلال احمر نے تفصیلات بتا دیں۔

یہ بھی پڑھیں: آٹے کی قیمتوں میں ملی بھگت سے اضافہ، پاکستان فلور ملز ایسوسی ایشن کو ساڑھے 3 کروڑ جرمانہ

اموات اور زخمیوں کی تعداد

’’جیو نیوز‘‘ کے مطابق افغانستان میں 6 شدت کے خطرناک زلزلے کے نتیجے میں اموات کی تعداد 1100 سے تجاوز کر گئی۔ افغان ہلال احمر کے مطابق اتوار اور پیر کی درمیانی شب آنے والے زلزلے سے اموات کی تعداد 1124 ہوگئی ہے جب کہ زلزلے سے 3251 افراد زخمی ہیں اور 8 ہزار سے زائد گھر تباہ ہوئے ہیں۔

یہ بھی پڑھیں: بلٹ ٹرین اور جدید ریلوے نیٹ ورک سمیت معاشی سرگرمیوں اور روزگار کے نئے مواقع پیدا کریں گے: مریم نواز

سب سے زیادہ متاثرہ علاقے

افغانستان کے سرکاری میڈیا کے مطابق زلزلے سے سب سے زیادہ نقصان صوبے کنڑ میں ہوا ہے۔ امریکی جیولوجیکل سروے کے مطابق زلزلے کا مرکز صوبے ننگرہار کے شہر جلال آباد کے قریب تھا اور اس کی گہرائی 8 کلومیٹر ریکارڈ کی گئی۔

زلزلے کے جھٹکے

زلزلہ مقامی وقت کے مطابق رات 11 بجکر 47 منٹ پر آیا اور تقریباً 20 منٹ بعد ہی اسی صوبے میں 4.5 شدت کا ایک اور جھٹکا محسوس کیا گیا جس کی گہرائی 10 کلومیٹر تھی۔