عمران خان کے ساتھ 20 منٹ ملاقات ہوئی، وہ ہشاش بشاش ہیں، انہوں نے بائیکاٹ کو سراہا ہے، بیرسٹر گوہر

راولپنڈی میں گوہر کی پریس کانفرنس

پاکستان تحریک انصاف کے چیئرمین بیرسٹر گوہر کا کہنا ہے کہ بانی پی ٹی آئی عمران خان کو پبلک اکاؤنٹس کمیٹی سے استعفوں اور پارلیمنٹ کے باہر اسمبلی لگانے سے متعلق آگاہ کیا۔ ہمارا فیصلہ یہی ہے کہ ہم قائمہ کمیٹیوں سے مستعفی رہیں گے۔

یہ بھی پڑھیں: شادی کی تقریب کے دوران دولہا غائب، کئی مہینوں بعد سراغ ملا تو ایسا انکشاف کہ دلہن کی ساری خوشیوں پر پانی پھر گیا

ایدیالہ جیل میں ملاقات

اڈیالہ جیل میں ملاقات کے بعد میڈیا سے گفتگو کرتے ہوئے انہوں نے کہا کہ بانی پی ٹی آئی سے ملاقات کے لئے 15 سے 20 منٹ کا وقت دیا گیا، ان کی صحت بالکل ٹھیک ہے، وہ ہشاش بشاش ہیں۔ کے پی کے میں ایک بڑا جلسہ منعقد کرنے سے متعلق بھی بانی پی ٹی آئی سے بات ہوئی۔

یہ بھی پڑھیں: بیرسٹر گوہر علی خان اور سینیٹر فیصل واوڈا کا آمنا سامنا، خوشگوار ماحول میں بات چیت

سیلاب کی صورتحال پر اظہار خیال

ان کا کہنا تھا کہ ہم نے بتایا کہ سیلاب کے باعث جلسوں کی تیاریوں میں کچھ تاخیر ہے لیکن تیاریاں جاری ہیں۔ بانی پی ٹی آئی نے پاکستان میں سیلاب متاثرین پر دلی رنج اور دکھ کا اظہار کیا ہے، اور پارٹی قائدین کو اور کارکنوں کو سیلاب متاثرین کی ہر ممکن مدد کے لیے ہدایت دی ہیں۔

یہ بھی پڑھیں: انٹراپارٹی انتخابات نظرثانی کیس؛میں ایسے شخص کے سامنے دلائل نہیں دے سکتا جو ہمارے خلاف بہت متعصب ہو،حامد خان اورچیف جسٹس میں تلخ جملوں کا تبادلہ

زلزلے پر افسوس کا اظہار

بیرسٹر گوہر نے کہا کہ بانی پی ٹی آئی نے افغانستان کے علاقے کنڑ میں زلزلے سے جانی نقصان پر دلی رنج اور افسوس کا اظہار کیا۔

یہ بھی پڑھیں: ایران کے پاس ضروری دفاعی صلاحیتیں موجود ہیں، محمد مہدی ایمانی پور

استعفوں کی صورتحال

ان کا کہنا تھا کہ ملاقات کے دوران بانی پی ٹی آئی کو پبلک اکاؤنٹس کمیٹیوں سے استعفوں سے متعلق آگاہ کیا گیا، اور انہیں پارلیمنٹ کے باہر اسمبلی لگانے کے بارے میں بھی مطلع کیا گیا۔

مستعفی رہنے کا فیصلہ

انہوں نے کہا کہ قائمہ کمیٹیوں سے استعفوں کے بارے میں بانی پی ٹی آئی نے سراہا ہے، اور یہ بھی کہا ہے کہ ہمارا فیصلہ یہی ہے کہ ہم قائمہ کمیٹیوں سے مستعفی رہیں گے۔ عمران خان نے یہ بھی ہدایت دی ہے کہ اسمبلیوں سے استعفے تو دے دیے، اگر ان کی چابی، ڈرائیور یا گاڑی بھی ہے تو اگلے 3 سے 4 دنوں میں وہ بھی حکومت کو واپس کرو۔