پیپلز پارٹی، عوامی نیشنل پارٹی اور جمعیت علمائے اسلام (ف) نے کالاباغ ڈیم کی تجویز مسترد کردی۔
کالا باغ ڈیم کی تجویز مسترد
اسلام آباد (ڈیلی پاکستان آن لائن) پاکستان پیپلز پارٹی، عوامی نیشنل پارٹی (اے این پی) اور جمعیت علمائے اسلام (ف) نے وزیراعلی خیبرپختونخوا علی امین گنڈاپور کی کالاباغ ڈیم کی تجویز مسترد کردی۔
یہ بھی پڑھیں: بیٹی کی وہ تصویر جو باپ کو جیل پہنچا گئی
اے این پی کی رائے
ڈان نیوز کے مطابق اے این پی کے سربراہ ایمل ولی خان نے ایک بیان میں دعویٰ کیا کہ کالا باغ ڈیم سیلابوں کا کوئی حل نہیں ہے۔
یہ بھی پڑھیں: سیکیورٹی فورسز کی لکی مروت میں کارروائی، 8 خارجی جہنم واصل، 5 شدید زخمی
جے یو آئی (ف) کا ردعمل
جے یو آئی (ف) کے ترجمان خیبرپختونخوا عبد الجلیل جان نے منصوبے کو مردہ گھوڑا قرار دے دیا، انہوں نے سوال کیا کہ وزیراعلیٰ بتائیں انہوں نے 350 سو ڈیم کہاں بنائے؟
یہ بھی پڑھیں: ٹی ٹوئنٹی ورلڈ کپ، بھارتی کھلاڑی ابھیشیک شرما کی پاکستان کے خلاف میچ میں شرکت مشکوک
پیپلز پارٹی کی تشویش
پیپلز پارٹی کے جنرل سیکریٹری ہمایوں خان نے ڈان نیوز سے خصوصی گفتگو میں کہا کہ کالا باغ ڈیم مردہ گھوڑا ہے جو کبھی زندہ نہیں ہو سکتا، علی امین گنڈاپور عوام کو ٹرک کی بتی کے پیچھے لگا رہے ہیں۔
یہ بھی پڑھیں: میانوالی کی جیل بہت پرانی ہے،سیاسی و مذہبی شخصیات کے علاوہ بڑے مجرم قید رہے، غازی علم دین شہید کو بھی اسی جیل میں تختۂ دار پر لٹکایا گیا تھا۔
مسلم لیگ (ن) کا نقطہ نظر
اس سے قبل، مسلم لیگ (ن) کی رہنما اور وزیراطلاعات پنجاب عظمیٰ بخاری نے علی امین گنڈا پور کی کالا باغ ڈیم بنانے کی حمایت کرتے ہوئے تمام صوبوں کو مشترکہ ایکشن پلان بنانے کی تجویز دی تھی۔
وزیر اعلیٰ خیبرپختونخوا کا بیان
واضح رہے کہ گزشتہ روز اپنے بیان میں وزیر اعلیٰ خیبر پختونخوا علی امین گنڈاپور نے کالا باغ ڈیم کی حمایت کرتے ہوئے کہا تھا کہ صوبائیت کے چکر میں پورے پاکستان کو نقصان نہیں پہنچا سکتا۔ پاکستان کے فائدے کو پیچھے نہیں دھکیلا جاسکتا، سب کو مطمئن کرکے مستقبل کیلئے کالا باغ ڈیم جیسا منصوبہ بننا چاہیے، صوبوں کے تحفظات ختم کرکے قوم کے فائدے کے لیے کالا باغ ڈیم بنانا چاہیے۔
