لاہور قلندرز کے سی ای او عاطف رانا کی ایاز صادق سے ملاقات

ملاقات کا خلاصہ

لاہور(ڈیلی پاکستان آن لائن) سپیکر قومی اسمبلی سردار ایاز صادق سے لاہور قلندرز کے سی ای او اور مالک عاطف رانا نے ملاقات کی، جس میں نوجوانوں کی شمولیت اور ملک بھر میں کھیلوں کے فروغ سے متعلق فریقین نے تبادلۂ خیال کیا۔

یہ بھی پڑھیں: ورلڈسکوائش چیمپئن شپ؛ شکاگو پاکستان کے نورزمان اور عاصم خان نے پہلے راؤنڈ کے میچز جیت لئے

کھیلوں کے فروغ میں نوجوانوں کا کردار

ملاقات کے دوران اسپیکر ایاز صادق نے لاہور قلندرز کی جانب سے کھیلوں کے فروغ، خصوصاً نوجوانوں اور خواتین کے لئے کیے گئے اقدامات کو سراہا۔ انہوں نے کہا کہ نوجوانوں کو مثبت اور صحت مند سرگرمیوں کی طرف راغب کرنا ملک کے روشن مستقبل کے لیے ناگزیر ہے۔

یہ بھی پڑھیں: انٹرنیٹ رفتار کی بہتری کیلئے درخواست پر وفاقی حکومت سمیت دیگر کو نوٹسز ،جواب طلب

پاکستانی نوجوانوں کی صلاحیتیں

ایاز صادق نے کہا، “پاکستانی نوجوانوں میں ٹیلنٹ کی کوئی کمی نہیں ہے۔” انہوں نے گراس روٹ لیول پر ٹیلنٹ ڈھونڈنے اور خواتین کو مساوی مواقع فراہم کرنے کے اقدامات کو نہایت مثبت اور وقت کی ضرورت قرار دیا۔

یہ بھی پڑھیں: بشریٰ انصاری کو زارا نور عباس کے ڈانس کی تعریف کرنے پر شدید تنقید کا سامنا

پلیئر ڈویلپمنٹ پروگرام کی کامیابیاں

اس موقع پر عاطف رانا نے اسپیکر کو پلیئر ڈویلپمنٹ پروگرام کی تفصیلات سے آگاہ کرتے ہوئے بتایا کہ اب تک ایک لاکھ سے زائد نوجوان اس پروگرام کے تحت تربیت حاصل کر چکے ہیں۔ انہوں نے کہا کہ بلوچستان اور خیبر پختونخوا کے نوجوانوں پر خصوصی توجہ دی جارہی ہے تاکہ انہیں قومی دھارے کے کھیلوں میں شامل کیا جا سکے۔

یہ بھی پڑھیں: وزیر خارجہ اسحاق ڈار کا ازبک ہم منصب سے رابطہ، علاقائی صورتحال پر تبادلہ خیال

خواتین کو پیشہ ورانہ مواقع فراہم کرنا

خواتین کے حوالے سے عاطف رانا نے بتایا کہ ملک کے 25 سے زائد شہروں میں خواتین کرکٹ ٹیلنٹ ہنٹ پروگرام منعقد کیے جا چکے ہیں تاکہ باصلاحیت خواتین کو کرکٹ میں پیشہ ورانہ کیریئر کے مواقع فراہم ہوں۔ انہوں نے کہا کہ “لاہور قلندرز کا بنیادی مقصد عام عوام کو کھیل اور تفریح کے مواقع فراہم کرنا ہے۔”

حوصلہ افزائی اور مستقبل کی توقعات

ملاقات کے اختتام پر عاطف رانا نے اسپیکر ایاز صادق کی حوصلہ افزائی پر شکریہ ادا کرتے ہوئے کہا کہ ان کی تعریف نہ صرف ان کے لیے بلکہ قلندرز کے پروگراموں سے وابستہ ہر نوجوان کھلاڑی کے لیے حوصلہ افزائی کا باعث ہے۔ انہوں نے مزید کہا کہ ہمارا خواب ہے کہ نوجوانوں اور خواتین کو کھیلوں کے ذریعے بااختیار بنا کر ایک صحت مند اور خوشحال پاکستان کی تعمیر کی جائے۔