حکومت افراط زر، مہنگائی اور بے روزگاری کے خاتمے کیلئے اپنے شاہانہ اخراجات کم کرے، تنخواہ دار کی طرح جاگیرداروں سے بھی انکم ٹیکس وصول کرے
مصنف کی معلومات
مصنف: رانا امیر احمد خاں
قسط: 145
یہ بھی پڑھیں: سوات: بحرین اسریتی خوڑ میں پانی کے بہاؤ سے سڑک کو نقصان، ٹریفک کی روانی متاثر
حکومت سے مطالبات
لہٰذا ہم اراکین لاہور ہائی کورٹ بار حکومت سے مطالبہ کرتے ہیں کہ وہ بجٹ پر فی الفور نظرثانی کرے۔ افراط زر، مہنگائی اور بے روزگاری کے خاتمے کے لئے مثبت اقدامات کرے۔ اپنے شاہانہ اخراجات کم کرے۔ ٹیکسوں کا سارا بوجھ غریب اور متوسط طبقے پر ڈالنے کی بجائے جاگیرداروں سے بھی ملک کے مروجہ قانون کے مطابق اسی شرح سے انکم ٹیکس وصول کرے جو ملک کا مفلوک الحال تنخواہ دار طبقہ ایک عرصہ سے برداشت کرتا چلا آرہا ہے۔
یہ بھی پڑھیں: بانی پی ٹی آئی کیخلاف درج مقدمات کی تفصیلات فراہمی کی درخواست پر آئی جی اسلام آباد ودیگر کو نوٹس جاری
قرضوں کی وصولی کا مطالبہ
حکمرانوں، سیاستدانوں اور ان کے منظورنظر وڈیروں، لٹیروں کے ذمہ واجب الادا اربوں روپے کے قرضوں کو معاف کرنے کی بجائے معہ سود ان کی وصولی کو یقینی بنانے کیلئے اقدامات کرے۔ بیرونی اور اندرونی قرضوں کے ذریعے حکومت بجٹ خسارہ پورا کرنے کی فرسودہ عادت ختم کرے تاکہ وطن عزیز کو قرضوں کی لعنت سے چھٹکارا دلاکر اسے خود کفالت اور خود انحصاری کی منزل سے ہمکنار کرنے کی جانب گامزن کیا جا سکے۔
یہ بھی پڑھیں: “داؤد ابراہیم اور چھوٹا راجن کی دوستی سے شروع ہونے والی کہانی: ایک قاتلانہ جنگ کی طرف بڑھتا سفر”
قرارداد کا پس منظر
لاہور، مورخہ 26-6-96 قرارداد رانا امیر احمد خاں ایڈووکیٹ کا مطالبہ بابت برطرفی بینظیر حکومت بوجہ سیاسی کارکنوں پر گولی چلانے اور نااہلی و کرپشن۔
یہ بھی پڑھیں: پاکستان میں خون کی قلت بڑا مسئلہ، شہری عطیہ کریں: وزیراعظم کی اپیل
اجلاس کی قرارداد
لاہور ہائی کورٹ بار ایسوسی ایشن کی جنرل باڈی کا یہ اجلاس گزشتہ روز مورخہ 24-6-96 کو راولپنڈی اسلام آباد میں جماعت اسلامی اور دیگر حکومت مخالف سیاسی جماعتوں کے جلوس میں شامل پرامن اور غیر مسلح سیاسی کارکنوں پر بے نظیر حکومت کے ریاستی اداروں کی جانب سے گولی چلائے جانے کے سانحہ کی شدید مذمت کرتا ہے جس میں متعدد کارکن ہلاک اور سینکڑوں زخمی ہوئے ہیں۔
یہ بھی پڑھیں: میں بھی آپ کے ساتھ لگتی ہوں، مٹی اٹھا کر بند مضبوط کرتے ہیں، ایس پی صدر ملتان ڈاکٹر خدیجہ عمر کی ویڈیو وائرل
فاشسٹ حکومتی پالیسیوں کی مذمت
فاشسٹ اور امریکی ٹوڈی حکومت نے ڈاکوؤں، سمگلروں اور قوم کا خون چوسنے والے سیاسی لٹیروں کو لوٹ مار اور بدامنی پھیلانے کی کھلی چھٹی دے رکھی ہے جبکہ سیاسی کارکنوں اور ملک و قوم کے بہی خواہوں پر لاٹھی گولی کا استعمال کر رہی ہے۔ وکلاء برادری نے ہمیشہ جمہوریت اور قانون کی حکمرانی کے لئے جدوجہد کی ہے اور مارشل لاء کا راستہ روکا ہے جبکہ تقریباً سبھی سیاسی جماعتوں کے بیشتر مفاد پرست قائدین نے کبھی ایک مارشل لاء کا ساتھ دیا ہے تو کبھی دوسرے مارشل لاء کا ساتھ۔
یہ بھی پڑھیں: بیلاروس کے صدر کا وزیراعظم اور نواز شریف کے اعزاز میں عشائیہ، غیر معمولی گرمجوشی کا اظہار
جمہوری اقدار کی حمایت
ہم اراکین بار ایسوسی ایشن آئندہ بھی مارشل لاء کے نفاذ کی کبھی حمایت نہیں کریں گے۔ لیکن حکومت جس طرح پارلیمنٹ اور عدلیہ جیسے حکومتی ستونوں کو کمزور، بے وقعت اور زمین بوس کرنے کی شرمناک پالیسی پر عمل پیرا ہے اور قانون سازی کی بجائے حکومتی آرڈیننسوں کے ذریعے غیر جمہوری طریق پر حکومت چلائی جا رہی ہے، اس کی مثال پیپلز پارٹی کے بانی ذوالفقار علی بھٹو، ایوبی مارشل لاء، یحییٰ خاں مارشل لاء اور ضیاء الحق مارشل لاء کے ادوار میں بھی ملتی ہے۔ یہ غیر جمہوری طرزِ عمل کسی جمہوری حکومت کے شایانِ شان نہیں ہے۔
نوٹ
یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔
