پنجاب میں 5 ستمبر تک بارشوں کی پیشگوئی، سیلابی صورتحال میں شدت کا امکان

بارشوں کی پیشگوئی

لاہور(ڈیلی پاکستان آن لائن) پنجاب کے مختلف اضلاع میں 5 ستمبر تک بارشوں کی پیشگوئی کی گئی ہے۔

یہ بھی پڑھیں: اداکار عمران ہاشمی پیٹ کے ٹشوز کی سرجری کے بعد سیٹ پر واپس آ گئے

سیلابی صورتحال کا خطرہ

نجی ٹی وی چینل دنیا نیوز کے مطابق پی ڈی ایم اے پنجاب کے مطابق صوبے میں 5 ستمبر تک بارشیں ہوں گی جس کے باعث سیلابی صورتحال میں شدت کا امکان ہے۔

یہ بھی پڑھیں: خاندانی اور معاشرتی نظام بکھر رہا ہے

دریاؤں میں پانی کی سطح

پی ڈی ایم اے کے مطابق دریائے چناب مرالہ ہیڈ ورکس پر پانی کی سطح 4 لاکھ 68 ہزار کیوسک، خانکی ہیڈ ورکس پر 339470 کیوسک، قادرآباد ہیڈ ورکس پر 232450 کیوسک ہے جب کہ چنیوٹ پل پر 108343 کیوسک ہے۔

یہ بھی پڑھیں: محرم الحرام میں اشتعال انگیز مواد کے خلاف زیرو ٹالرنس، سوشل میڈیا کی کڑی مانیٹرنگ ہوگی: وزیر داخلہ محسن نقوی

مزید ہیڈ ورکس کی معلومات

اس کے علاوہ تریموں ہیڈ ورکس پر پانی کی سطح 355744 کیوسک، دریائے راوی جسڑ کے مقام پر 71010 کیوسک، راوی سائفن پر 54190 کیوسک، شاہدرہ کے مقام پر 53630 کیوسک، بلوکی ہیڈ ورکس پر 117655 کیوسک اور سدھنائی ہیڈ ورکس پر 193470 کیوسک ہے۔

دریائے ستلج کی صورتحال

پی ڈی ایم اے کے مطابق دریائے ستلج جی ایس والا پر پانی کی سطح 269501 کیوسک، سلیمانکی ہیڈ ورکس پر 122736 کیوسک، اسلام ہیڈ ورکس پر 95727 کیوسک جب کہ پنجند ہیڈ ورکس پر 182107 کیوسک ہے۔