سپریم کورٹ: Two Lakh Riyal Robbery, Accused’s Bail Petition Rejected

سپریم کورٹ کا فیصلہ

اسلام آباد(ڈیلی پاکستان آن لائن)سپریم کورٹ نے دو لاکھ ریال (تقریباً ڈیڑھ کروڑ پاکستانی روپے) کی ڈکیتی کے ملزم کی درخواست ضمانت خارج کردی۔

سما نیوز کے مطابق سپریم کورٹ میں 2 لاکھ ریال کی ڈکیتی کے ملزم کی درخواست ضمانت پر سماعت ہوئی، جسٹس حسن رضوی کی سربراہی میں دو رکنی بینچ نے سماعت کی۔

ملزم کے وکیل نے مؤقف اختیار کیا کہ ملزم پر 2 لاکھ ریال کی ڈکیتی کا الزام ہے، دو گواہوں نے ملزم کی شناخت سے انکار کیا۔

جسٹس حسن رضوی نے ریمارکس دیئے کہ وہ اس لئے کہ ڈکیتوں سے متاثرین کو اپنی جان کی فکر ہوتی ہے، ملزم سے 80 ہزار ریال ریکور بھی ہوچکے۔

جسٹس شہزاد ملک نے کہا کہ مدعی کی ملزم کے ساتھ کوئی دشمنی نہیں تھی کہ غلط الزام لگاتا، دشمنی ہوتی تو ایف آئی آر میں ہوتا۔

سپریم کورٹ نے ڈکیتی کے ملزم شہاب الدین کی درخواست ضمانت خارج کردی۔