اوورسیز پاکستانیز کمیشن پنجاب کے وائس چیئرپرسن بیرسٹر امجد ملک کی مانچسٹر میں نئے قونصل جنرل سے ملاقات

بیرسٹر امجد ملک کی قونصل جنرل امتیاز گوندل سے ملاقات

لاہور (ڈیلی پاکستان آن لائن) اوورسیز پاکستانیز کمیشن پنجاب کے وائس چیئرپرسن بیرسٹر امجد ملک نے مانچسٹر میں پاکستانی قونصلیٹ کے دفتر میں تعینات ہونے والے نئے قونصل جنرل امتیاز گوندل سے ملاقات کی۔ ملاقات میں برطانیہ میں مقیم 15 لاکھ سے زائد اوورسیز پاکستانی کمیونٹی سے متعلقہ باہمی دلچسپی کے امور پر تفصیلی گفتگو ہوئی۔

یہ بھی پڑھیں: خاتون نے بھارتی کرکٹر یش دیال پر شادی کا جھانسہ دے کر جسمانی طور پر حراساں کرنے کا الزام عائد کردیا

پاکستانی کمیونٹی کے لئے تعاون کی یقین دہانی

بیرسٹر امجد ملک نے قونصل جنرل کو مانچسٹر آمد پر خوش آمدید کہا اور انہیں گریٹر مانچسٹر میں مقیم پاکستانی کمیونٹی کی بھرپور تعاون اور خیرسگالی کی یقین دہانی کرائی۔ انہوں نے او پی سی پنجاب کے اہم اقدامات پر روشنی ڈالتے ہوئے کمپیوٹرائزڈ لینڈ رجسٹریشن و ٹرانسفر سروسز، او پی سی/او پی ایف کے آن لائن شکایتی نظام اور اوورسیز کورٹس کے قیام کی اہمیت کو اجاگر کیا۔

یہ بھی پڑھیں: قائم مقام ریکٹر اسلامک یونیورسٹی کی خراب کارکردگی پر قبلہ ایاز کا چیف جسٹس کو خط

اوورسیز پاکستانیوں کے مسائل کا حل

بیرسٹر امجد ملک نے کہا کہ یہ اقدامات جائیداد سے متعلقہ مسائل کے حل میں تاخیر کو کم کرنے اور اوورسیز پاکستانیوں کو فوری ریلیف فراہم کرنے میں مددگار ثابت ہوں گے۔ انہوں نے اس عزم کو دہرایا کہ اوورسیز پاکستانیز کمیشن کے دروازے ہر پاکستانی کے لیے یکساں طور پر کھلے ہیں، بالخصوص ان کے لیے جن کا تعلق دریائے سندھ کے خطے سے ہے۔

یہ بھی پڑھیں: پاکستان بھی کلائیمٹ چینج کے سنگین مسئلہ سے دو چار ،قدرتی آفات سے نمٹنے کی تیاری کرنی ہوگی: مریم نواز

ماضی کی ملاقات کا ذکر

دونوں شخصیات نے اپنی اس سے قبل ہونے والی ملاقات کو بھی یاد کیا جو میڈرڈ میں اس وقت ہوئی تھی جب امتیاز گوندل سفارتی فرائض انجام دے رہے تھے۔

قونصل جنرل کی ترجیحات اور عزم

قونصل جنرل امتیاز گوندل نے بیرسٹر امجد ملک کا خیرمقدم کیا اور اپنے نئے منصب کے لیے ترجیحات کا اظہار کیا۔ انہوں نے یقین دلایا کہ مانچسٹر میں مقیم پاکستانی کمیونٹی کو ہر ممکن سہولت فراہم کی جائے گی۔ انہوں نے اس بات پر زور دیا کہ وہ میزبان معاشرے اور پاکستان کے درمیان تعلقات کو مزید مضبوط بنانے کے لیے کوشاں رہیں گے اور اوورسیز نمائندوں کے ساتھ منظم طریقے سے مشاورت اور رابطے کو یقینی بنائیں گے تاکہ قونصلیٹ کی خدمات کو مزید بہتر بنایا جا سکے۔