عمران خان بالکل ٹھیک ہیں، انکی صحت کو لیکر سنسنی پھیلائی جارہی ہے: علیمہ خان

علیمہ خان کا عمران خان کی صحت پر مؤقف

لاہور(ڈیلی پاکستان آن لائن) بانی پی ٹی آئی کی بہن علیمہ خان نے کہا ہے کہ عمران خان کی صحت سے متعلق جھوٹی خبریں پھیلائی جارہی ہیں۔

یہ بھی پڑھیں: دھمکی ملی ہے میرے بیٹے والد سے ملنے پاکستان گئے تو گرفتار کرلیا جائے گا: جمائمہ

عدالت کے باہر میڈیا سے گفتگو

نجی ٹی وی چینل جیو نیوز کے مطابق لاہور کی انسداد دہشتگردی عدالت کے باہر میڈیا سے گفتگو کرتے ہوئے علیمہ خان نے کہا کہ کل عمران خان سے ملاقات ہونی تھی مگر نہیں کرائی گئی تاہم بیرسٹر گوہر کی ملاقات ہوئی ہے۔

یہ بھی پڑھیں: نیشنل انڈسٹریل اینڈ انویسٹمنٹ ڈیولپمنٹ یونیورسٹی کے داخلہ قواعد میں تبدیلی، طلبہ کا احتجاج

عمران خان کے چیک اپ کی درخواست

انہوں نے کہا کہ عمران خان کا چیک اپ ان کے اپنے ڈاکٹرز کی موجودگی میں ہونا چاہیے، چیک اپ کے لیے ان لوگوں کے ارادوں پر ہمیں یقین نہیں، عظمیٰ خان نے عمران خان کی صحت کے لیے پوچھا کیونکہ وہ خود ڈاکٹر ہیں۔

علیمہ خان کا صحت کے حوالے سے بیان

علیمہ خان کا کہنا تھا کہ عمران خان بالکل ٹھیک ہیں، سوشل میڈیا پر فیک خبریں پھیلائی جارہی ہیں، عمران خان کو تھوڑا سا بھی کچھ ہوگا تو سب سے پہلے ان کی فیملی کھڑی ہوگی، ان کی صحت کو لے کر سنسنی پھیلائی جارہی ہے جو کہ سچ نہیں ہے۔