راولپنڈی میں جشن عید میلاد النبیﷺ پر پینٹنگز کی نمائش، 100 سے زائد فن پارے توجہ کا مرکز بن گئے

جشن عید میلاد النبی کی تقریب

راولپنڈی (ڈیلی پاکستان آن لائن) پنجاب کونسل آف دی آرٹس راولپنڈی کے زیراہتمام جشن عید میلاد النبیؐ اور حضور اکرم ﷺ کی 1500سالہ یوم پیدائش کے سلسلے میں مشہور خطاط عظیم اقبال کی پینٹنگز کی خصوصی نمائش کا اہتمام کیا گیا۔ نمائیش کا افتتاح پی پی کے ممبر سینٹرل ایگزیکٹو کمیٹی سید صداقت حسین شاہ نے ڈائریکٹر پنجاب آرٹس کونسل راولپنڈی محمد شکور کے ہمراہ کیا۔

یہ بھی پڑھیں: نوجوان کھلاڑیوں کو سکندر رضا سے سیکھنا چاہیے ، وسیم اکرم

نمائش کی تفصیلات

مشہور خطاط محمد عظیم اور ان کے شاگردوں کے 100 سے زائد فن پارے عہد نبویﷺ کے دور کی نایاب ثقافت پر مبنی تھے جن کو خوبصورتی سے نمائش میں رکھا گیا۔ ان کی پینٹنگز گہری روحانی عقیدت کی عکاسی کرتی ہیں اور پیغمبر اکرم ﷺ کی تعلیمات سے متاثر محبت، ہمدردی اور اتحاد کے پیغامات دیتی ہیں۔

یہ بھی پڑھیں: جے یوآئی نے حکومت سے کس کو چیف جسٹس بنانے کا کہا تھا؟ اسلم غوری نے بتادیا

مہمان خصوصی کی رائے

مہمان خصوصی نے اس بات پر روشنی ڈالی کہ اس طرح کی ثقافتی تقریبات خاص طور پر نوجوان نسلوں کے لیے آرٹ کے ذریعے پیغمبر اسلامﷺ کے آفاقی پیغام کو عام کرنے میں بہت اہم ہیں۔ پنجاب کونسل ہمیشہ سے فن اور فنکاروں کی سرپرستی کرتی رہی ہے تا کہ فنون لطیفہ کی ترویج و ترقی کی جا سکے۔

یہ بھی پڑھیں: مختلف علاقوں میں تیز ہواؤں کے ساتھ موسلادھار بارش اور ژالہ باری کی پیشگوئی

شرکاء کی تعداد

تقریب میں طلباء، فن سے محبت کرنے والوں اور کمیونٹی کے افراد سمیت لوگوں کی بڑی تعداد نے شرکت کی۔ خصوصی شخصیات میں پنجاب کونسل آف دی آرٹس کے سابقہ ڈائریکٹر وقار احمد اور سجاد حسین تھے جنہوں نے خطاطی کے فن پاروں کو سراہا۔

نمائش کی کھلی تاریخ

اس پروگرام میں معززین شہر، فنکار، اساتذہ، سول افسران، میڈیا اور شہریوں کی کثیر تعداد نے شرکت کی اور آرٹس کونسل کی شاندار تقریب پر مبارکباد دی۔ اس موقع پر ٹیکسلا سے گندھارا ریسورس سنٹر کے ریاض حسین نے خصوصی شرکت کی۔ یہ نمائش ایک ہفتے تک عوام کے دیکھنے کے لیے کھلی رہے گی جس میں ہر خاص و عام کو شرکت کی دعوت دی جاتی ہے۔