آئی ایم ایف نے پاکستان کے پبلک فنانشل مینجمنٹ سسٹم میں 9 خامیوں کی نشاندہی کر دی

آئی ایم ایف کی رپورٹ: پاکستان کے مالی نظام میں خامیاں

اسلام آباد(ڈیلی پاکستان آن لائن) عالمی مالیاتی فنڈ (آئی ایم ایف) نے پاکستان کے پبلک فنانشل مینجمنٹ سسٹم میں 9 خامیوں کی نشاندہی کردی۔

یہ بھی پڑھیں: دو سال سے ملزم جیل میں ہے، عدالت 727 دن بعد تفتیش کی اجازت نہ دے، وکیل سلمان صفدر

عوامی سرمایہ کاری کے نظام میں خامیاں

نجی ٹی وی سما نیوز کے مطابق عالمی مالیاتی فنڈ کا کہنا ہے کہ پاکستان میں عوامی سرمایہ کاری کے نظام میں متعدد سنگین خامیاں موجود ہیں۔ آئی ایم ایف نے مالی ڈسپلن یقینی بنانے کیلئے بجٹ کی مضبوط مانیٹرنگ پر زور دیا ہے۔ رپورٹ کے مطابق ملٹی ایئر بجٹ سازی محدود ہونے کی وجہ سے کرپشن کا خطرہ بڑھ جاتا ہے۔

یہ بھی پڑھیں: پاکستان کرکٹ بورڈ کی جانب سے قانونی نوٹس ملنے پر ملتان سلطانز کا ردعمل

منصوبوں میں تاخیر اور اخراجات میں اضافہ

دستاویز کے مطابق آئی ایم ایف نے منصوبوں میں تاخیر اور اخراجات میں اضافے پر تشویش کا اظہار کرتے ہوئے کہا کہ سیاستدانوں کے منصوبے طریقہ کار سے ہٹ کر پی ایس ڈی پی میں شامل ہوئے۔

یہ بھی پڑھیں: ہماری بادشاہت تو نہیں جو چاہے کردیں، قانون کو دیکھ کر ہی فیصلہ کرنا ہے، جسٹس منصور علی شاہ کے کیس میں ریمارکس

آئی ایم ایف کی کرپشن اینڈ ڈائیگناسٹک اسسمنٹ رپورٹ

ذرائع کے مطابق آئی ایم ایف کرپشن اینڈ ڈائیگناسٹک اسسمنٹ رپورٹ جلد جاری ہونے کا امکان ہے۔ حکومت نے گورننس میں بہتری اور بدعنوانی کی روک تھام کیلئے مؤثر اقدامات سے آگاہ کر دیا۔

یہ بھی پڑھیں: کراچی، اکتوبر کے مہینے میں بھی ہیٹ ویو جیسی صورتحال

گورننس میں بہتری کے اقدامات

آئی ایم ایف کو بتایا گیا کہ گورننس میں بہتری اور بدعنوانی کی روک تھام کیلئے مؤثر اقدامات کیے گئے ہیں، جن میں ایف ایم یو کا قیام، سول افسران، بیوروکریسی کے اثاثوں کی ڈیکلئریشن شامل ہیں۔ آئی ایم ایف کو ٹیکس ریونیو میں بہتری اور کرپشن روکنے کیلئے اقدامات سے بھی آگاہ کر دیا گیا۔

یہ بھی پڑھیں: صرف 34 دنوں میں عوامی شکایات کا ازالہ ممکن بنا رہے ہیں : وفاقی ٹیکس محتسب ڈاکٹر آصف محمود جاہ کا ایڈوائزری کمیٹی کے اجلاس سے خطاب

سست رفتار منصوبوں کا مکمل کرنا

حکام نے غیر ملکی فنڈنگ والے اور زیر تکمیل منصوبوں کو تیزی سے مکمل کرنے کو ترجیح قرار دیا۔ 2518 ارب مالیت کے 344 سست رفتار منصوبے بند کیے گئے، جبکہ ہائی رسک منصوبوں میں شفافیت کیلئے ڈیجیٹل ٹرانسفارمیشن کا عمل شروع کیا گیا۔

انٹیلی جنٹ پراجیکٹ آٹومیشن سسٹم

وزارت منصوبہ بندی میں انٹیلی جنٹ پراجیکٹ آٹومیشن سسٹم متعارف کرایا گیا۔ آئی ایم ایف نے ترقیاتی منصوبوں کی ترجیحات طے نہ کرنے کی نشاندہی کی۔ وزارت خزانہ، منصوبہ بندی، اور ایف بی آر سمیت اسٹیک ہولڈرز نے پیش رفت سے آگاہ کردیا۔ آئی ایم ایف مشن کے دورہ پاکستان کے دوران مجوزہ رپورٹ پر مزید بات چیت متوقع ہے。