خیبرپختونخوا میں 2025 کے پہلے 8 ماہ میں دہشت گردی کے 605 واقعات میں 138 شہری شہید

پشاور کی دہشت گردی کی صورتحال

پشاور (ڈیلی پاکستان آن لائن) خیبرپختونخوا میں رواں برس کے پہلے 8 ماہ کے دوران دہشت گردی کے 605 واقعات رپورٹ ہوئے جن میں 138 عام شہری شہید ہوگئے۔

یہ بھی پڑھیں: بھارت نے اپنے ہی 2 شہروں پر 6 بیلسٹک میزائل فائر کر دیئے: ڈی جی آئی ایس پی آر کا دعویٰ

رپورٹ کی تفصیلات

سی ٹی ڈی خیبرپختونخوا کی رپورٹ کے مطابق رواں سال کے ابتدائی 8 ماہ میں 605 دہشت گردی کے واقعات ریکارڈ کیے گئے۔ ان میں سے 351 ملزمان نامزد کیے گئے، 32 ہلاک ہوئے اور 5 گرفتار کیے گئے۔ دہشتگردی کے ان واقعات میں 138 عام شہری جان کی بازی ہار گئے جبکہ 352 افراد زخمی ہوئے۔ اس کے علاوہ، رواں سال صوبے بھر میں 79 پولیس اہلکار بھی شہید ہوئے اور 130 زخمی ہوئے ہیں۔

یہ بھی پڑھیں: بھارت پاکستان کی وائٹ ہاؤس میں پذیرائی سے ناراض، امریکہ فیلڈ مارشل عاصم منیر کو خطے میں سٹریٹجک ثالث کے طور پر دیکھ رہا ہے: فنانشل ٹائمز

گزشتہ ماہ کی صورتحال

سی ٹی ڈی کی رپورٹ میں بتایا گیا ہے کہ گزشتہ ماہ 129 دہشت گردی کے واقعات پیش آئے جن میں 17 عام شہری شہید ہوئے، جبکہ 51 زخمی ہوئے۔ دہشت گردوں کے ساتھ مقابلے میں 13 پولیس اہلکار شہید ہوئے اور 46 زخمی ہوئے۔

علاقائی تجزیہ

رپورٹ کے مطابق، گزشتہ ماہ کے دوران دہشت گردی کے 42 واقعات میں 186 ملزمان نامزد ہوئے، جبکہ ان مقابلوں میں 8 دہشت گرد ہلاک ہوئے۔ بنوں میں سب سے زیادہ 42 واقعات رونما ہوئے، جبکہ شمالی وزیرستان میں 15، جنوبی وزیرستان میں 14، دیر میں 11، اور ڈی آئی خان اور کرم میں 8،8 واقعات پیش آئے۔