اسلام آباد میں تنخواہ لینے گئی گھریلو ملازمہ کے ساتھ ڈرائیور کی زیادتی، ملزم گرفتار

تھانہ شالیمار پولیس کی کارروائی

اسلام آباد (ڈیلی پاکستان آن لائن) تھانہ شالیمار پولیس نے گھریلو ملازمہ پر تشدد اور زیادتی کرنے والے ملزم کو گرفتار کرلیا۔

یہ بھی پڑھیں: مستونگ کے علاقے میں پسند کی شادی کرنے پر میاں بیوی قتل

واقعہ کی تفصیلات

واقعہ کا مقدمہ تھانہ شالیمار میں متاثرہ لڑکی کی مدعیت میں درج کیا گیا۔ متاثرہ لڑکی کا کہنا ہے کہ وہ مستقل رہائشی ضلع بہاولنگر کی ہے، لیکن اب وہ مارکیٹ گولڑہ شریف اسلام آباد میں رہائش پذیر ہے اور مختلف گھروں میں کام کرتی ہے۔ اس نے میڈیکل سوسائٹی میں تھرڈ فلور پر شہری زاہد کے فلیٹ پر کچن میں کام کیا، اور 15 دن قبل وہاں سے کام چھوڑ دیا۔ رات 8 بجے کے قریب، وہ اپنی تنخواہ جو کہ 20000 روپے تھی، لینے آئی۔

ملزم کا تشدد

عمر حسین ولد رحمت علی، جو کہ ان کے پاس ڈرائیور تھا، نے دروازہ کھولا اور انہیں اندر آنے کے لئے کہا۔ اس کے ہاتھ میں پسٹل تھا۔ اندر جانے سے انکار کرنے پر اس نے لاتوں اور مکوں سے مارنا شروع کر دیا اور زیادتی کا نشانہ بنایا۔ متاثرہ لڑکی نے قانونی کاروائی کی درخواست کی ہے۔