ترک فضائیہ کے کمانڈر جنرل ضیا ءجمیل قادی اوغلو کی چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات

ملاقات کا پس منظر

راولپنڈی(ڈیلی پاکستان آن لائن) ترک فضائیہ کے کمانڈر جنرل ضیا ءجمیل قادی اوغلو نے چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات کی، اس موقع پر پیشہ ورانہ دلچسپی کے امور پر تفصیلی تبادلۂ خیال کیا گیا۔

یہ بھی پڑھیں: شام میں 4 ملین کیپٹاگون گولیوں کی سمگلنگ کی کوشش ناکام، سیکیورٹی فورسز نے قبضے میں لے لیا

عالمی و علاقائی صورتحال پر گفتگو

پاک فوج کے شعبہ تعلقات عامہ (آئی ایس پی آر) کے مطابق ملاقات میں بدلتے عالمی وعلاقائی جیو سٹریٹیجک ماحول اور مشترکہ سٹریٹجک ترجیحات پر بات چیت کی گئی۔ ملاقات میں خطے میں امن و استحکام کے فروغ میں دو طرفہ تعاون کی اہمیت پر زور دیا گیا، ملاقات میں سٹریٹجک دوستی مزید مضبوط بنانے، دفاعی اور سیکیورٹی تعاون بڑھانے کے عزم کا اعادہ بھی کیا گیا۔

ترک فضائیہ کے کمانڈر کی خیالات

ترک فضائیہ کے کمانڈر نے پاک افواج کے پیشہ ورانہ معیار اور انسداد دہشتگردی میں کامیابیوں، خطے میں امن و استحکام کیلئے جاری کوششوں کو سراہا۔ اس سے قبل جوائنٹ سٹاف ہیڈ کوارٹرز پہنچنے پر تینوں افواج کے چاق و چوبند دستے نے معزز مہمان کو گارڈ آف آنر پیش کیا۔