پنجاب حکومت نے گندم کی خریداری کیلئے قیمت 3ہزار روپے فی من مقرر کر دی

گندم کی قیمت کا نوٹیفکیشن

لاہور (ڈیلی پاکستان آن لائن) وزیراعلیٰ پنجاب کی ہدایت پر فوڈ ڈائریکٹوریٹ نے گندم کی قیمت کا نوٹیفکیشن جاری کر دیا۔ صوبے بھر میں گندم کی خریداری کے لیے قیمت 3 ہزار روپے فی من مقرر کر دی گئی۔

یہ بھی پڑھیں: شمالی وزیرستان میں تیل اور گیس کے نئے ذخائر دریافت

قیمتوں میں مصنوعی اضافہ

ترجمان پرائس کنٹرول کے مطابق، عام مارکیٹ میں صرف کاغذی گندم کی خریداری سے قیمتوں میں مصنوعی اضافہ کیا جا رہا تھا۔ سستے داموں میں خریدی گئی گندم کو بھاری منافع کے خاطر ناجائز ذخیرہ کرنے کی اجازت نہیں دی جا سکتی۔

روٹی اور آٹے کی قیمتوں کا تعین

محکمہ خوراک پنجاب نے روٹی اور آٹے کی قیمتوں کا نوٹیفکیشن بھی جاری کر دیا ہے۔ نوٹیفکیشن کے مطابق، صوبہ بھر میں 100 گرام روٹی 14 روپے سے زائد فروخت کرنے پر کارروائی ہوگی۔ 10 کلوگرام آٹے کا تھیلا 905 روپے تک فروخت کیا جا سکے گا، اور 20 کلوگرام آٹے کا تھیلہ 1810 روپے تک فروخت کیا جا سکے گا۔ آٹے کے تھیلوں پر مکمل لیبلنگ درج کرنا لازم ہو گا۔