پہلے پانچ ون ڈے میچوں میں 5 نصف سنچریاں ، جنوبی افریقی بیٹر میتھیو بریٹزکی نے تاریخ رقم کر دی

میتھیو بریٹزکی کا شاندار کارنامہ

لیڈز(ڈیلی پاکستان آن لائن) جنوبی افریقی بیٹر میتھیو بریٹزکی نے ون ڈے کرکٹ کی تاریخ کا 38 سالہ ریکارڈ توڑ کر ایک نئی تاریخ رقم کر دی۔

یہ بھی پڑھیں: لالچ کی اندھی محبت: بھائی کے ہاتھوں بہن کا عبرتناک انجام

مسلسل پانچ نصف سنچریاں

جنوبی افریقہ کے لیے صرف 5 ون ڈے میچز کھیلنے والے نوجوان بیٹر میتھیو بریٹزکی نے انگلینڈ کے خلاف دوسرے ون ڈے میں ایک اور نصف سنچری بناکر منفرد اعزاز حاصل کر لیا۔

یہ بھی پڑھیں: وزیراعلیٰ مریم نواز اناطولیہ پہنچ گئیں، ڈپلومیسی فورم 2025ء کے تحت بین الاقوامی کانفرنس سے خطاب کریں گی

اننگز کی تفصیلات

بریٹزکی نے انگلینڈ کے خلاف 85 رنز کی اننگز کھیلی، جو اس کے ون ڈے کیریئر کی مسلسل پانچویں نصف سنچری تھی۔ اس کے بعد میتھیو بریٹزکی نے ون ڈے ڈیبیو کے بعد مسلسل 5 میچز میں 5 ففٹی پلس سکور کرنے کا اعزاز بھی اپنے نام کر لیا۔

یہ بھی پڑھیں: خبردار، پاکستان پر بڑا سائبر حملہ جاری، عوام کو مشکوک ویب لنکس نہ کھولنے کی ہدایت

پہلا میچ اور اس کے بعد کی کارکردگی

بریٹزکی نے رواں سال فروری میں نیوزی لینڈ کے خلاف اپنے ون ڈے ڈیبیو میں 150 رنز کی شاندار اننگز کھیلی تھی۔ کیریئر کے دوسرے میچ میں پاکستان کے خلاف 83، تیسرے میں 57، اور چوتھے میچ میں 88 رنز بنائے۔ اب تک اپنے ون ڈے کیریئر کے 5 میچز میں اس نے 463 رنز بنا لیے ہیں۔