ملک میں ایک ہفتے کے دوران پیاز، ٹماٹر، دال، آلو، لہسن، گندم اور آٹے سمیت 23 اشیائے ضروریہ مہنگی

مہنگائی میں اضافے کا حالیہ جائزہ

اسلام آباد (ڈیلی پاکستان آن لائن) ملک میں مہنگائی کی رفتار مزید زور پکڑ گئی، جس کے نتیجے میں 23 اشیائے ضروریہ کی قیمتوں میں اضافہ ریکارڈ کیا گیا۔

یہ بھی پڑھیں: ناقص پالیسیاں قومی خزانے کو اربوں روپے میں پڑرہی ہیں: گوہر اعجاز

مہنگائی کی شرح میں تبدیلی

حالیہ ہفتے کے دوران ملک میں مہنگائی کی رفتار کی شرح میں 1.29 فیصد اضافہ ہوا جبکہ اس سے پچھلے ہفتے ملک میں مہنگائی میں اضافے کی رفتار کی شرح 0.62 فیصد بڑھی تھی۔ اسی طرح سالانہ بنیادوں پر بھی مہنگائی میں اضافے کی رفتار کی شرح 3.57 فیصد سے بڑھ کر 5.07 فیصد ہو گئی ہے。

یہ بھی پڑھیں: امام الحق اور ان کی اہلیہ کی شادی پر پہلی بار دلچسپ گفتگو

قیمتوں کا تجزیہ

تازہ اعداد شمار کے ستمبر کے پہلے ہفتے میں 23 اشیائے ضروریہ کی قیمتوں میں اضافہ ہوا اور 4 کی قیمتوں میں کمی جبکہ 24 اشیائے ضروریہ کی قیمتوں میں استحکام رہا۔ مہنگی ہونے والی اشیاء میں سب سے زائد فوڈ آئٹمز شامل ہیں، مسلسل چوتھے ہفتے آٹے کا 20 کلو کا تھیلا مزید مہنگا ہو گیا۔

یہ بھی پڑھیں: فیض آباد احتجاج کیس: پی ٹی آئی رہنماؤں فردِ جرم عائد

آٹے کی قیمت میں اضافہ

ادارہ شماریات کے مطابق ایک ہفتے میں 20 کلو آٹے کا 464 روپے 94 پیسے مہنگا ہوا، ملک میں 20 کلو آٹے کے تھیلے کی اوسط قیمت 2294 روپے 62 پیسے تک پہنچ گئی۔

یہ بھی پڑھیں: عماد کے بعد عامر نے بھی انٹرنیشنل کرکٹ کو خیرباد کہہ دیا

دیگر اشیاء کی قیمتوں میں تبدیلی

رپورٹ کے مطابق ٹماٹر 64 روپے 65 پیسے، پیاز 6 روپے 32 پیسے فی کلو مہنگے ہوئے، باسمتی چاول 5 روپے 45 پیسے، لہسن 8 روپے 3 پیسے فی کلو مہنگا ہوا۔ دال مونگ 4 روپے 89 پیسے، دال چنا 3 روپے 11 پیسے فی کلو مہنگی ہوئی، حالیہ ہفتے دال مسور 1 روپے 37 پیسے فی کلو مہنگی ہوئی۔