ضمنی انتخاب کا شیڈول دینا اور چیئرمین سینیٹ کے ریفرنس کے بغیر نااہلی کا نوٹیفیکیشن جاری کرنا غیر قانونی ہے، اعجاز چودھری

سابق سینیٹر اعجاز چودھری کی ہائیکورٹ میں درخواست

لاہور (ڈیلی پاکستان آن لائن) سابق سینیٹر اعجاز چودھری نے اپنی نااہلی کے خلاف دوبارہ ہائیکورٹ میں درخواست دائر کردی۔ درخواست میں چیئرمین سینیٹ، الیکشن کمیشن اور دیگر کو فریق بنایا گیا ہے۔

یہ بھی پڑھیں: پاکستان اور آسٹریلیا کے درمیان پہلا ٹی 20 آج برسبین میں ہوگا

درخواست کا پس منظر

درخواست میں اعجاز چودھری نے موقف اپنایا کہ انہیں انسداد دہشت گردی کے ایک مقدمے میں سزا سنائی گئی، الیکشن کمیشن نے ازخود ان کی نااہلی کا نوٹیفیکیشن جاری کر دیا۔ سزا کے بعد مؤقف سنے بغیر کسی بھی رکنِ سینیٹ کو نااہل قرار نہیں دیا جا سکتا۔

یہ بھی پڑھیں: ڈاکٹر عافیہ صدیقی کیس میں ہائیکورٹ کا فیصلہ سپریم کورٹ میں چیلنج

درخواست میں قانونی نکات

درخواست میں مزید کہا گیا ہے کہ چیئرمین سینیٹ کے ریفرنس کے بغیر نوٹیفیکیشن جاری کرنا غیر قانونی اقدام ہے، سینیٹ نشست پر ضمنی انتخاب کا شیڈول جاری کرنا بھی غیر قانونی ہے۔

عدالت سے استدعاء

درخواست میں استدعا کی گئی کہ عدالت الیکشن کمیشن کے جاری کردہ نااہلی کے نوٹیفیکیشن کو کالعدم قرار دے۔