ماسکو میں فسطائیت مخالف عالمی جنگ میں فتح کی 80 ویں سالگرہ کی مناسبت سے چینی موسیقی کا پروگرام

موسیقی کا پروگرام ماسکو میں

ماسکو(شِنہوا) روس کے دارالحکومت ماسکو کے شائیکوف سکائی کنسرٹ ہال میں دریائے زرد کے گیت پر مشتمل موسیقی کا پروگرام منعقد کیا گیا۔ اس پروگرام میں چین اور روس کے موسیقاروں نے مشترکہ پرفارمنس پیش کی، جس پر شرکاء نے پرجوش تالیاں بجا کر ان کی پذیرائی کی۔

یہ بھی پڑھیں: بنگلہ دیش نے بھارت کو شکست دے کر انڈر 19 ایشیا کپ کا ٹائٹل جیت لیا

80 ویں سالگرہ کی تقریبات

یہ موسیقی کا پروگرام فسطائیت مخالف عالمی جنگ، جسے جنگ عظیم دوئم کے نام سے بھی جانا جاتا ہے، میں فتح کی 80 ویں سالگرہ کی مناسبت سے منعقد کیا گیا تھا۔ اس پروگرام کا مقصد چینی موسیقار شیان شنگھائی کی 120 ویں سالگرہ منانا بھی تھا، جنہوں نے 1938 میں دریائے زرد کا گیت ترتیب دیا تھا۔

یہ بھی پڑھیں: 70 فیصد جرائم کم ہو گئے، سی سی ڈی اور ٹیم کو شاباش، متحرک گینگز کی گرفتاری کی: آئی جی پنجاب

سفارت خانے کی جانب سے بیان

روس میں چینی سفارت خانے کے وزیر مختار چھانگ شوہانگ نے تقریب سے خطاب کرتے ہوئے کہا کہ دریائے زرد کے گیت نے جاپانی جارحیت کے خلاف مزاحمتی جنگ میں چین کے عوام کا حوصلہ بڑھایا۔

یہ بھی پڑھیں: سیمنٹ کی بوری مہنگی ہو گئی

دوستی اور امن کی یاد دہانی

روس چائنہ دوستی ایسوسی ایشن کی اول نائب چیئرپرسن گلینا کولیکوا نے کہا کہ ماسکو میں روسی اور چینی موسیقاروں کی طرف سے دریائے زرد کے گیت پر مشترکہ پرفارمنس عوام کو یاد دہانی کراتی ہے کہ وہ تاریخ کو یاد کریں اور امن کی قدر کریں۔

ایونٹ کا انعقاد

موسیقی کے اس پروگرام کا انعقاد روس میں چینی سفارت خانے نے روس۔ چین دوستی ایسوسی ایشن، ماسکو میں چینی ثقافتی مرکز اور گنیسن رشین اکیڈمی آف میوزک میں قائم روس۔چین موسیقی تخلیقی اور تبادلہ مرکز کے تعاون سے کیا تھا۔