آج ملک بھر میں یوم دفاع منایا جا رہا ہے

یوم دفاع کی تقریب

اسلام آباد (ڈیلی پاکستان آن لائن) آج ملک بھر میں یوم دفاع منایا جا رہا ہے۔ اس موقع پر اپنے پیغام میں وزیرِ اعظم شہbaz شریف کا کہنا ہے کہ 6 ستمبر ہماری قومی تاریخ میں بہادری، اتحاد اور عزم کا دن ہے۔ 60 سال قبل بہادر افواج نے عوام کے تعاون سے دشمن کی جارحیت ناکام بنائی، 1965ء کا وہ ناقابلِ تسخیر جذبہ آج بھی زندہ ہے۔

یہ بھی پڑھیں: پنجاب میں دہشت گردی کے لیے آنے والوں کو سخت ترین جواب دیا جائے گا: وزیر اعلیٰ مریم نواز

فوج کی شجاعت اور اتحاد

یومِ دفاع و شہدائے 6 ستمبر پر پیغام میں ان کا کہنا ہے کہ حالیہ معرکۂ حق میں ایک بار پھر مسلح افواج اور عوام آہنی دیوار بن گئے۔ ہماری فوج، بحریہ اور فضائیہ نے بے مثال پیشہ ورانہ مہارت کا مظاہرہ کیا۔

یہ بھی پڑھیں: چمن میں زلزلہ

بہادر شہداء کی یاد

وزیرِ اعظم شہbaz شریف نے کہا ہے کہ فیلڈ مارشل سید عاصم منیر کے تزویراتی ویژن نے دشمن کا تکبر مٹا کر نئی تاریخ رقم کی۔ آج کے دن ہم اپنے بہادر شہداء کو خراجِ تحسین پیش کرتے ہیں۔ ہمارے شہداء نے وطن کی حفاظت کے لیے اپنی جانوں کا نذرانہ پیش کیا۔

یہ بھی پڑھیں: دبئی میں گرنے والے میزائلوں کے ملبہ گرنے سے زخمی ہونے والے پاکستانی شہریوں کی قونصل جنرل حسین محمد کی عیادت

غازیوں کا اعزاز

انہوں نے کہا کہ اپنے غازیوں کو سلام پیش کرتے ہیں جن کی جرأت آئندہ نسلوں کے لیے مثال ہے۔ پاکستان دنیا کے ساتھ پُرامن، بقائے باہمی اور تعمیری روابط کی پالیسی پر کاربند ہے۔

یہ بھی پڑھیں: اسلام آباد ایئرپورٹ پر جعل سازی سے بیرون ملک جانے کی کوشش ناکام، 2 مسافروں کو آف لوڈ کر دیا گیا

دفاعی صلاحیتوں کا مضبوط ہونا

وزیرِ اعظم شہbaz شریف کا کہنا ہے کہ ہم بھارتی اشتعال انگیزیوں اور بدلتے علاقائی تناظر کی حقیقت سے غافل نہیں رہ سکتے۔ ہم اپنی دفاعی صلاحیتوں کو مضبوط اور جدید بناتے رہیں گے اور غیر ملکی پراکسیوں کی دہشت گردی کا مقابلہ کرتے رہیں گے۔

یہ بھی پڑھیں: روس کی بھارت کے مغرب نواز اتحادوں میں شامل ہونے پر سخت تنقید

کشمیری عوام کی حمایت

ان کا کہنا ہے کہ ہماری سیکیورٹی فورسز نے فتنہ الخوارج، فتنہ الہندوستان کو ختم کرنے میں بے پناہ پیش رفت کی۔ اس مشن کی تکمیل تک قوم سیکیورٹی فورسز کے ساتھ مضبوطی سے کھڑی ہے۔

یہ بھی پڑھیں: 2022 سے 2025 کے دوران لاہور سمیت پنجاب بھر میں سلنڈر پھٹنے اور آگ لگنے کے سب سے زیادہ واقعات کہاں ہوئے؟ رپورٹ جاری

عالمی مظالم کی مذمت

وزیرِ اعظم شہbaz شریف نے کہا کہ ہم بھارت کے زیرِ تسلط جموں و کشمیر کے مظلوم لوگوں سے یک جہتی کا اعادہ کرتے ہیں۔ کشمیریوں کی جدوجہد آزادی کو طاقت سے دبایا نہیں جا سکتا۔ ہم فلسطین میں جاری مظالم کی بھی شدید مذمت کرتے ہیں۔

یہ بھی پڑھیں: ترقیاتی سکیموں کے بہانے سوئی نادرن گیس پائپ لائنز کے عملے کی لوٹ مار؟ شہری پھٹ پڑے

قومی دفاع اور اقتصادی استحکام

انہوں نے کہا کہ قومی دفاع معاشی استحکام کے بغیر ممکن نہیں۔ ذاتی اختلافات سے بالاتر ہو کر ہی ہم پائیدار خوش حالی اور خود انحصاری حاصل کر سکتے ہیں۔ اس یومِ دفاع و شہداء پر قائدِ اعظم کے ایمان، اتحاد اور نظم و ضبط کے لازوال اصولوں کے لیے اپنے عزم کا اعادہ کریں۔

پاکستان کے روشن مستقبل کی تعمیر

انہوں نے یہ بھی کہا ہے کہ ایک محفوظ، متحد، خوش حال پاکستان کی تعمیر کے لیے مل کر محنت کرنے کا اعادہ کریں۔ پاکستانی مسلح افواج زندہ باد، پاکستان پائند باد۔