یہ پاکستان کا علاقہ ہے، فیصلے ہم کریں گے کہ یہاں کون رہے گا اور کون نہیں: ترجمان دفتر خارجہ

پاکستان اور افغانستان کے درمیان مہاجرین کا معاملہ
اسلام آباد (ڈیلی پاکستان آن لائن) ترجمان دفتر خارجہ شفقت علی خان کا کہنا ہے کہ پاکستان اور افغانستان کے درمیان مہاجرین کا معاملہ دونوں ممالک کے رہنماؤں کے درمیان ایجنڈے کا حصہ رہا ہے۔
یہ بھی پڑھیں: جدید جنگ کے لیے چین کا ایک اور خفیہ ہتھیار سامنے آگیا
غیر دستاویزی افراد کی واپسی
صحافیوں کو بریفنگ دیتے ہوئے شفقت علی خان کا کہنا تھا کہ غیردستاویزی افراد کو واپس بھیجا جائے گا، یہ پاکستان کا علاقہ ہے، فیصلے ہم کریں گے کہ یہاں کون رہے گا اور کون نہیں، امید ہے جرمنی اپنے وعدے کے مطابق افغان شہریوں کو لے جائے گا۔
یہ بھی پڑھیں: اداکارہ علیزے شاہ کی سوشل میڈیا پر بولڈ ویڈیو وائرل
دہشت گردی کے خلاف مزید تعاون کی ضرورت
ترجمان دفتر خارجہ نے افغانستان میں حملوں کے الزامات مسترد کرتے ہوئے دہشت گردی کے خلاف افغانستان سے مزید تعاون کا مطالبہ بھی کیا۔ شفقت علی خان کا کہنا تھا کہ دہشت گردوں کی محفوظ پناہ گاہیں خصوصاً افغانستان میں ایک سنگین مسئلہ ہیں، یہ مسئلہ دونوں ممالک کے تعلقات میں رکاوٹ ہے۔
طالبان کی ذمہ داری
ان کا کہنا تھا کہ طالبان اپنی سرزمین کو پاکستان کے خلاف دہشت گردی کے لیے استعمال نہ ہونے دیں۔