غیر قانونی طور پر سمندر کے راستے ایران جانے والے 60 افراد گرفتار

ایف آئی اے کی کارروائی

کوئٹہ(ڈیلی پاکستان آن لائن) وفاقی تحقیقاتی ایجنسی (ایف آئی اے) نے کارروائی کرتے ہوئے غیر قانونی طور پر سمندر کے راستے ایران جانے والے 60 ملزمان کو گرفتار کر لیا۔

یہ بھی پڑھیں: براہموس اسٹوریج سائٹ کو تباہ کرنے کی ویڈیو بھی سامنے آ گئی

گرفتار ملزمان کی تفصیلات

ایف آئی اے ترجمان کا بتانا ہے کہ گرفتار ملزمان میں 9 کا تعلق گوجرانوالہ، 19 کا مالاکنڈ اور 16 کا تعلق بنوں سے ہے۔ ایف آئی اے حکام کے مطابق 9 کے گرفتار ملزمان کا تعلق لوئر دیر، 3 کا اپر دیر اور 2 کا تعلق مردان سے ہے۔

تحقیقات اور مقدمات

ترجمان ایف آئی اے کا کہنا ہے کہ ملزمان کو جیوانی سے گرفتار کیا گیا، ملزمان کے خلاف 4 مقدمات درج کر لیے گئے ہیں اور ان سے تفتیش جاری ہے۔