سیلابی صورتحال، تھیم پارک سوسائٹی کے متاثرین کی عارضی خیمہ بستی میں آباد خاندان کے ہاں 8ویں بچے کی پیدائش

دریائے راوی کا تباہ کن سیلاب

لاہور (ویب ڈیسک) دریائے راوی میں آئے حالیہ تباہ کن سیلاب نے جہاں لاہور کے نواحی علاقے موہلنوال میں عارضی خیمہ بستیاں آباد کر دیں، وہیں انہی خیموں میں ایک نئی زندگی نے جنم لیا ہے۔

یہ بھی پڑھیں: اربوں ڈالر کی آمدن، ایران کی پاسدارانِ انقلاب نے تیل کی صنعت پر گرفت مضبوط کر لی

نئی پیدائش کا خوشی کا موقع

تھیم پارک سوسائٹی کے متاثرہ خاندان سے تعلق رکھنے والے عرفان اور ان کی اہلیہ کے ہاں آٹھویں بچے کی پیدائش ہوئی ہے۔ ایکسپریس کے مطابق عرفان رکشہ ڈرائیور ہیں اور ان کی اہلیہ جن کی عمر لگ بھگ 28 سال ہے، پہلے ہی سات بچوں کی ماں ہیں، جن میں چار بیٹیاں اور تین بیٹے شامل ہیں۔ اب آٹھواں بچہ اسی خیمہ بستی میں پیدا ہوا ہے جس کا نام والدہ نے عبداللہ رکھنے کی خواہش ظاہر کی ہے۔

پہچان اور زندگی کی جیت

خیمہ بستی میں مقیم ایک مقامی خاتون نے کہا کہ یہ بچہ صرف عرفان کے گھر کی خوشی نہیں بلکہ ہم سب کے لیے پیغام ہے کہ زندگی سب دکھوں کے باوجود اپنا راستہ بناتی ہے۔