سیلاب متاثرین جب تک واپس نہیں جاتے ہمارے مہمان ہیں: وزیر تعلیم رانا سکندر حیات

صوبائی وزیرتعلیم کا فلڈ ریلیف کیمپ کا دورہ

لاہور (ڈیلی پاکستان آن لائن) صوبائی وزیر تعلیم پنجاب، رانا سکندر حیات نے وہاڑی میں فلڈ ریلیف کیمپ موضع لکھا بنگلہ میں سہولیات کا جائزہ لیا اور محفل عید میلاد النبی ﷺمیں شرکت کی۔ اس موقع پر ایم پی اے و چیئر پرسن ٹاسک فورس برائے پائیدار ترقی کے اہداف، بیرسٹر چوہدری اسامہ فضل، ڈپٹی کمشنر وہاڑی، عمرانہ توقیر اور ڈسٹرکٹ پولیس آفیسر، محمد افضل بھی موجود تھے۔

یہ بھی پڑھیں: مصنوعی ذہانت سے تحریر کردہ خبریں قارئین کے لیے زیادہ پیچیدہ ہیں،تحقیق

فلڈ ریلیف کیمپ کی سہولیات کا معائنہ

صوبائی وزیر تعلیم نے مختلف محکموں کی طرف سے لگائے گئے فلڈ ریلیف کیمپس کا تفصیلی جائزہ لیا اور تمام محکموں سے فراہم کی جانے والی سہولیات کے بارے میں دریافت کیا۔ ڈپٹی کمشنر وہاڑی، عمرانہ توقیر اور اے ڈی سی ریونیو، بابر سلیمان نے صوبائی وزیر کو تفصیلی بریفنگ دی جس پر، صوبائی وزیر تعلیم نے تمام محکموں کی کاوشوں اور خدمات کو سراہا، ریسکیو 1122 کی خدمات کو خراج تحسین پیش کیا اور شاباش دی۔

یہ بھی پڑھیں: شادی کا جنون چنیوٹ کے بزرگ کو کچے کے علاقے میں لے گیا

سیلاب متاثرین سے براہ راست رابطہ

صوبائی وزیر تعلیم رانا سکندر حیات نے خیموں میں سیلاب متاثرین سے سہولیات کی فراہمی کے بارے میں دریافت کیا۔ متاثرین نے سہولیات کی فراہمی پر اطمینان کا اظہار کیا اور وزیراعلیٰ پنجاب کا شکریہ ادا کیا۔ انہوں نے متاثرین کو بتایا کہ وہ وزیراعلیٰ پنجاب مریم نواز کی ہدایت پر آپ لوگوں کے پاس آئے ہیں اور آپ کا خیال رکھنا ہماری ذمہ داری ہے۔

یہ بھی پڑھیں: بیٹ ظاہرج پیر کے نواحی سیلاب زدہ علاقوں سے 12604 آبادی کا انخلاء، 6 ریلیف کیمپ، 3 کلینک آن بوٹس، 12 کلینک آن ویل قائم

بچوں کے ساتھ مداخلت

صوبائی وزیر تعلیم رانا سکندر حیات نے فلڈ ریلیف کیمپ میں موجود مکتب سکول کا بھی جائزہ لیا اور بچوں کے ساتھ گھل مل گئے۔ انہوں نے بچوں میں کھلونے تقسیم کیے اور مختلف سوالات کیے جن کا بچوں نے پراعتماد طریقے سے جواب دیا۔ بچوں نے بتایا کہ انہیں ریلیف کیمپ میں کھانا، پھل اور دودھ فراہم کیا جا رہا ہے۔

یہ بھی پڑھیں: انیل امبانی گروپ کے اثاثے منجمد، کیا الزامات ہیں؟ اہم تفصیلات سامنے آگئیں

محفل میلاد کی تقریب میں شرکت

صوبائی وزیر تعلیم نے فلڈ ریلیف کیمپ میں منعقدہ محفل میلاد مصطفےٰ ﷺمیں بھی شرکت کی۔ محفل میلاد میں ثناء خواں نے رسول مقبول ﷺ کی شان اقدس میں نعتیہ گلہائے عقیدت اور درود و سلام پیش کیے۔

یہ بھی پڑھیں: لاہور سے اغواء ہونے والی 2 بہنیں اسلام آباد سے بازیاب، خاتون سمیت 3 ملزم گرفتار

وزیر تعلیم کی جانب سے متاثرین کی حوصلہ افزائی

وزیر تعلیم رانا سکندر حیات نے کہا کہ وزیراعلیٰ پنجاب کی ہدایت پر سیلاب متاثرین کے ساتھ میلاد النبی ﷺ کی خوشیاں منائی جا رہی ہیں۔ انہوں نے کہا کہ سیلاب متاثرین ہمارے مہمان ہیں اور ان کی خدمت کرنا ہم سب کی ذمہ داری ہے۔

یہ بھی پڑھیں: اخوت کے سربراہ ڈاکٹر امجد ثاقب کا امریکہ میں مقیم پاکستانی بزنس مین میاں مشتاق جاوید کے اعزاز میں عشائیہ

محکموں کی خدمات کا ذکر

ڈپٹی کمشنر عمرانہ توقیر نے کہا کہ ہر تحصیل میں روزانہ 10 ہزار متاثرین سیلاب کو پکا ہوا کھانا فراہم کیا جارہا ہے۔

سیکیورٹی کے اقدامات

ڈسٹرکٹ پولیس آفیسر محمد افضل نے کہا کہ متاثرین سیلاب کے جان و مال کے تحفظ کے لیے تمام اقدامات کیے گئے ہیں۔