پاکستان سے امریکہ کے لیے براہ راست پروازوں کے امکانات روشن ہوگئے

براہ راست پروازوں کے امکانات

اسلام آباد(ڈیلی پاکستان آن لائن) پاکستان سے امریکا کیلئے براہ راست پروازوں کے امکانات روشن ہوگئے ہیں، کئی سال بعد امریکی سول ایوی ایشن اتھارٹی کی ٹیم پاکستان پہنچ گئی۔

یہ بھی پڑھیں: لاہور ہائیکورٹ میں ہائی اوکٹین کی قیمت میں 200 روپے اضافے کا نوٹیفکیشن چیلنج

امریکی ٹیم کی آمد

نجی ٹی وی چینل ایکسپریس نیوز کے مطابق، امریکی فیڈرل ایویشن اتھارٹی کی 5 رکنی ٹیم دبئی سے کراچی غیر ملکی ایئرلائن کی پرواز کے ذریعے پہنچی ہے۔ یہ ٹیم پاکستان سول ایوی ایشن اتھارٹی کا آڈٹ کرے گی۔

یہ بھی پڑھیں: ہم امن سے بات کر رہے تھے ، وہ بندوق سے بات کرنا چاہتے ہیں تو آگے سے گولے سے بات ہوگی: مصدق ملک

آڈٹ کی تفصیلات

سی اے اے کے شعبہ لائسنسنگ، فلائٹ اسٹینڈرڈ، ایئروردنیس اور اسٹیٹ سیفٹی شعبوں کا آڈٹ ہوگا۔ امریکی ٹیم 12 ستمبر تک پاکستان سول ایوی ایشن کا آڈٹ مکمل کرے گی اور بعد میں پاکستان سے واپس روانہ ہوگی۔

یہ بھی پڑھیں: راولپنڈی میں نوبیاہتا دلہن شوہر اور سسرالیوں کے تشدد سے جاں بحق، زہر دینے کی تصدیق

اسکینڈل کے اثرات

واضح رہے کہ جعلی لائسنس پائلٹس اسکینڈل سامنے آنے کے بعد برطانیہ، یورپ اور امریکا میں پاکستانی ایئر لائنز کی پروازوں پر پابندی عائد کی گئی تھی۔ اسکینڈل کے بعد امریکی فیڈرل ایوی ایشن اتھارٹی نے پاکستان سی اے اے کی ریٹنگ بھی کم کی تھی۔

آڈٹ کی اہمیت

امریکی فیڈرل ایوی ایشن اتھارٹی کے آڈٹ میں کامیابی پاکستانی ایئرلائنز کی امریکا میں براہ راست پروازوں کی بحالی کی راہ ہموار کر سکتی ہے، اور اس آڈٹ میں کامیابی پاکستانی سی اے اے کی ریٹنگ میں بھی بہتری لائے گی۔