چونیاں: ڈاکوؤں کی فائرنگ سے گاڑی میں سوار انٹرنیشنل کبڈی کھلاڑی جاں بحق

چونیاں میں انٹرنیشنل کبڈی کھلاڑی کا قتل

چونیاں(ڈیلی پاکستان آن لائن) چونیاں تھانہ آلہ آباد کی حدود مائی رابو میں ڈاکوؤں کی فائرنگ سے انٹرنیشنل کبڈی کھلاڑی جان کی بازی ہار گیا ہے۔

یہ بھی پڑھیں: جب ندا یاسر امتحان میں نقل کرتی پکڑی گئی تھیں؛ مارننگ شو میں خود ہی پوری کہانی سنا دی

مقتول کا پس منظر

نجی ٹی وی چینل آج نیوز کے مطابق پولیس کا کہنا ہے کہ مقتول انٹرنیشنل کبڈی پلئیر ناصر پہلوان میچ کھیلنے کے بعد واپس اپنے گاؤں حویلی لکھا آرہا تھا کہ راستے میں ڈاکوؤں نے گاڑی روکنے کی کوشش کی اور نہ رکنے پر فائرنگ کردی۔

یہ بھی پڑھیں: آج سٹاک مارکیٹ میں نئی تاریخ رقم ہوئی،ہر ریکارڈ مسلم لیگ(ن) کے دور میں بنتاہے: مریم نواز

خاندان اور کیریئر

پولیس کا کہنا ہے کہ مقتول ناصر پہلوان 3 بچوں کا باپ اور کھڈیاں کا رہائشی تھا۔ مقتول کے بھائی مدثر کے مطابق ناصر پہلوان انڈیا پاکستان کبڈی میچ سمیت مختلف انٹرنیشنل کبڈی میچز میں حصہ لے چکا تھا۔

پولیس کی کارروائی

پولیس نے واقعے کا مقدمہ درج کرکے لاش پوسٹ مارٹم کے لیے ہسپتال منتقل کردی ہے۔ مقدمہ ڈائیور کی مدعیت میں درج کیا گیا ہے جبکہ ملزمان کی تلاش شروع کردی گئی ہے۔