موسمیاتی تبدیلی کے مضر اثرات سے بچاؤ کے لیے جامع منصوبہ بندی کر رہے ہیں: وزیراعظم

وزیراعظم کا موسمیاتی تبدیلی پر اظہار خیال

اسلام آباد(ڈیلی پاکستان آن لائن) وزیراعظم شہباز شریف نے کہا ہے کہ پاکستان مسلسل موسمیاتی تبدیلی کے مضر اثرات کی لپیٹ میں ہے، موسمیاتی تبدیلی کے مضر اثرات سے بچاؤ کیلئے جامع منصوبہ بندی کر رہے ہیں۔

یہ بھی پڑھیں: دیگر ٹیمیں پاکستان آ سکتی ہیں تو بھارت کو کیا مسئلہ ہے، پی سی بی نے بھارت کے آنے سے انکار پر آئی سی سی کو خط لکھ دیا

انسانی جانوں کے ضیاع پر افسوس

نجی ٹی وی چینل دنیا نیوز کے مطابق وزیراعظم شہباز شریف نے جلالپور پیروالا میں ریسکیو کشتی الٹنے کے حادثے میں انسانی جانوں کے ضیاع پر اظہار افسوس اور حادثے میں جاں بحق ہونے والے 5 افراد کے اہل خانہ کے ساتھ اظہار ہمدردی کیا ہے۔ انہوں نے جاں بحق ہونے والے افراد کی بلندی درجات اور اہل خانہ کیلئے صبر کی دعا بھی کی۔

یہ بھی پڑھیں: بھارتی ریاستوں اتراکھنڈ اور ہماچل پردیش میں شدید بارشیں اور لینڈ سلائیڈنگ ،18 افراد ہلاک

ریسکیو و ریلیف کی کارروائیاں تیز کرنے کی ہدایت

وزیراعظم شہباز شریف نے ہدایت کی کہ متاثرہ علاقوں میں ریسکیو و ریلیف کی کارروائیوں کو مزید تیز اور مؤثر کیا جائے، نقل مکانی کرنے والے افراد کی بروقت اور بھرپور امداد یقینی بنائی جائے، ریسکیو و امدادی سرگرمیوں کے حوالے سے صوبائی حکومتوں کے ساتھ روابط و تعاون کو مزید مربوط بنایا جائے۔

یہ بھی پڑھیں: لاہور میں چینی کی قیمتوں میں اضافہ، مختلف علاقوں میں نرخ الگ الگ

پاکستان کی موسمیاتی تبدیلی سے متاثرہ حیثیت

ان کا کہنا تھا کہ پاکستان مسلسل موسمیاتی تبدیلی کے مضر اثرات کی لپیٹ میں ہے، پاکستان کا ماحول دشمن گیسوں کے اخراج میں حصہ نہ ہونے کے برابر ہے جبکہ پاکستان موسمیاتی تبدیلی سے سب سے زیادہ متاثر ہونے والے ممالک کی فہرست میں شامل ہے۔

یہ بھی پڑھیں: امریکی عدالت نے ٹرمپ کے دیگر ممالک پر لگائے گئے ٹیرف کیخلاف درخواست پر تہلکہ خیز فیصلہ سنا دیا

موسمیاتی تبدیلی کے مضر اثرات سے بچاؤ کی حکمت عملی

شہباز شریف نے کہا کہ موسمیاتی تبدیلی کے مضر اثرات سے بچاؤ کیلئے صوبوں کے ساتھ مل کر مؤثر حکمت عملی اور خطرے سے دوچار علاقوں میں جامع منصوبہ بندی تشکیل دے رہے ہیں۔

پیشگی اطلاعات اور مضبوط انفراسٹرکچر

وزیراعظم کا مزید کہنا تھا کہ پیشگی اطلاعات، مضبوط و پائیدار انفراسٹرکچر اور ریسکیو و امداد کا نظام مزید مربوط کرنے کے حوالے سے اقدامات اٹھائے جا رہے ہیں。