امریکہ نے چیچن مسلمانوں کے قتل عام، فلسطینی اور بوسنیائی باشندوں اور ہندوستان کے ظلم و ستم کا شکار مظلوم کشمیریوں کیلئے ہمدردی کا مظاہرہ کیوں نہیں کیا؟
مصنف کی معلومات
مصنف: Rana Amir Ahmad Khan
قسط: 150
تاریخ: 8 ستمبر 1996
مقام: لاہور
یہ بھی پڑھیں: عالمی برادری فوری طور پر بھارت کو جارحیت سے روکے، پاکستان نے اقوام متحدہ کی ثالثی کی حمایت کردی
قرارداد کا پس منظر
قرارداد رانا امیر احمد خاں ایڈووکیٹ بابت عراق کے دفاعی ٹھکانوں پر امریکی جارحیت کی مذمت
یہ بھی پڑھیں: وزیراعظم اور چیئرمین پی سی بی کی پاکستانی جیولین ٹیم کو تمغے جیتنے پر مبارکباد
متن قرارداد
حال ہی میں امریکہ نے عراق کے دفاعی ٹھکانوں پر میزائلوں سے بھرپور حملہ کیا ہے۔ عراق پر امریکہ کی اس ننگی جارحیت کو چند امریکی اتحادی ملکوں کے علاوہ دنیا بھر کے امن پسند ممالک اور بین الاقوامی برادری نے امریکی دہشت گردی سے تعبیر کیا ہے۔ کوئی بھی قانون امریکہ کو یہ اجازت نہیں دیتا کہ وہ ایک آزاد اور خودمختار ملک پر حملہ کرے۔ امریکہ نے بلاجواز عراق پر اپنی جارحیت مسلط کی ہے اور اس حملے سے پہلے اقوام متحدہ کی سلامتی کونسل سے رجوع نہیں کیا گیا۔
یہ بھی پڑھیں: ایران میں حکومت مخالف مظاہرے مسلسل ایک اور رات بھی جاری، دائرہ 180 شہروں تک پھیل گیا
حملے کا جواز
امریکہ نے اس حملے کا یہ بھونڈا جواز پیش کیا ہے کہ عراق نے ملک کے شمال میں کردوں کے خلاف فوجی کارروائی کی تھی۔ سوال یہ ہے کہ امریکہ کو عراقی کردوں کے ساتھ اچانک ہمدردی کیوں پیدا ہوئی؟ امریکہ کی یہ ہمدردی چیچن مسلمانوں، فلسطینیوں، بوسنیائی باشندوں، اور کشمیریوں کے ساتھ کیوں نہیں ہے، جن کی حالت زار پر وہ خاموش ہیں؟
یہ بھی پڑھیں: مشرق وسطیٰ میں کشیدگی فوری ختم کی جائے، پاکستان کا سلامتی کونسل میں مطالبہ
امریکی مفادات
در حقیقت، امریکہ کا مقصد عراق کو کمزور کرنا اور اسرائیلی سرحدوں کو محفوظ بنانا ہے۔ امریکہ ان تمام اسلامی ممالک کو کمزور کرنا چاہتا ہے جو اس کے نیو ورلڈ آرڈر کی مخالفت کرتے ہیں۔ ایران، عراق اور لیبیا جیسے ملکوں کو دہشت گرد قرار دینا اور خود دنیا کا سب سے بڑا دہشت گرد بننا ایک تضاد ہے۔
یہ بھی پڑھیں: گزشتہ ماہ عہدے سے ہٹائے جانے والے پیر محمد شاہ دوبارہ ڈی آئی جی ٹریفک کراچی تعینات
ہماری اپیل
لہذا ہم، اراکین لاہور ہائی کورٹ بار، عراق پر امریکی حملے کو بین الاقوامی دہشت گردی قرار دیتے ہیں اور اس کی پرزور مذمت کرتے ہیں۔ ہم حکومت پاکستان، عالم اسلام اور اسلامک کانفرنس سے اپیل کرتے ہیں کہ وہ اس موقع پر امریکی جارحیت کے خلاف مکمل یکجہتی اور اتحاد کا مظاہرہ کریں۔
یہ بھی پڑھیں: مخصوص نشستوں کے فیصلے کیخلاف نظرثانی درخواستوں پر فیصلہ محفوظ، کچھ دیر میں سنایا جائے گا
اقوام متحدہ سے درخواست
ہم اقوام متحدہ سے بھی اپیل کرتے ہیں کہ وہ عراق پر امریکی حملے کا فوری نوٹس لے کر اس کی مذمت کرے۔
بے نظیر حکومت کے خلاف اپیل
ہم 214 وکلاء لاہور ہائیکورٹ کی جانب سے صدر پاکستان فاروق احمد لغاری سے اپیل کرتے ہیں کہ وہ بے نظیر حکومت کو فوری طور پر برطرف کریں تاکہ ملک کو سیاسی و معاشی بحران سے نجات مل سکے۔
(جاری ہے)
نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔
