پشاور ہائی کورٹ کا شام کے اوقات میں عدالتیں شروع کرنے کا فیصلہ

پشاور ہائیکورٹ کا شام کی عدالتوں کا آغاز

پشاور (ڈیلی پاکستان آن لائن) پشاور ہائیکورٹ نے شام کے اوقات میں عدالتیں شروع کرنے کا فیصلہ کر لیا ہے۔

یہ بھی پڑھیں: وزیر مملکت حذیفہ رحمان نے بیجنگ میں منعقدہ عالمی کانفرنس میں ”پاک چین ثقافتی کوریڈور“ کی تجویز دے دی

مراسلہ برائے جوڈیشل افسران

نجی ٹی وی سما نیوز کے مطابق پشاور اور ایبٹ آباد کے جوڈیشل افسران کو مراسلہ ارسال کر دیا گیا ہے۔ مراسلے کے مطابق پشاور اور ایبٹ آباد کے ڈسٹرکٹ کورٹس میں پائلٹ بنیادوں پر شام کی عدالتیں شروع کی جا رہی ہیں، جن کا اوقات کار دوپہر ڈھائی بجے سے شام ساڑھے 5 بجے تک ہوگا۔

کیسز کی سماعت

مراسلے کے مطابق عدالتوں میں سول کیسز سمیت رینٹ اور فیملی کیسز کی سماعت ہوگی۔ علاوہ ازیں، منشیات مقدموں میں نامزد خواتین اور نابالغ ملزمان کے کیسز کی بھی سماعت کی جائے گی۔ عدالتیں ان منشیات مقدمات کو بھی سنیں گی جن میں سزائیں سات سال سے کم ہوں۔