امریکی شہریوں کو غیر قانونی حراست میں رکھنے والے ممالک پر پابندیاں لگیں گی: ٹرمپ نے حکم نامے پر دستخط کردیئے۔

صدر ٹرمپ کا اہم حکم نامہ

واشنگٹن(ڈیلی پاکستان آ لائن) صدر ڈونلڈ ٹرمپ نے امریکی شہریوں کو بیرون ممالک میں غیرقانونی طور پر حراست میں لیے جانے کے خلاف حکم نامے پر دستخط کردیئے۔

یہ بھی پڑھیں: پاک بھارت کشیدگی، نظریں نوازشریف پر مرکوز

غیر ملکی حکومتوں کے خلاف سخت اقدامات

صدارتی حکم نامے کے مطابق، امریکی شہریوں کو غیرقانونی طور پر حراست میں لیے جانے جیسی سرگرمیوں میں ملوث غیرملکی حکومتوں کے خلاف سخت اقدامات کیے جاسکیں گے اور ان ممالک کو بلیک لسٹ میں ڈالا جاسکے گا۔

یہ بھی پڑھیں: ایف آئی اے اینٹی کرپشن کی کارروائی، پی اے آر سی چیئرمین اور ڈائریکٹر اسٹیبلشمنٹ گرفتار

وزیر خارجہ کو خصوصی اختیارات

امریکی صدر کے دستخط کردہ حکم نامے میں وزیر خارجہ کو اختیار دیا گیا ہے کہ وہ نامزد کردہ ممالک کے حوالے سے ہرممکن قدم اٹھائیں۔

یہ بھی پڑھیں: حفیظ الرحمان چیئرمین پی ٹی اے کے عہدے پر بحال، سنگل بنچ کا فیصلہ معطل

نئے اقدامات کے ممکنہ نتائج

ان اقدامات میں پابندیاں، ان ممالک کے شہریوں کا امریکا میں داخلہ روکنا، سفری اور برآمدی پابندیاں اور موجودہ قوانین کے تحت دیگر اقدامات شامل ہیں جن کا مقصد غلط گرفتاریوں کو روکنا اور ایسے اقدامات کا جواب دینا ہے۔

غیرقانونی حراست کا جواب

یہ حکم نامہ وزیر خارجہ کو اجازت دیتا ہے کہ اگر کوئی غیرملکی حکومت غیرقانونی طور پر حراست میں لیے گئے امریکی شہریوں کو رہا کر دے، غیرقانونی حراست کے حوالے سے اپنی قیادت یا پالیسیوں میں تبدیلی لے آئے اور مستقبل میں ایسی خلاف ورزیوں سے باز رہنے کی قابل بھروسہ یقینی دہانی کرا دے تو وہ اس کی نامزدگی ختم کر سکتے ہیں۔