امریکہ نے اس وقت فون کیا جب دوحہ میں دھماکے ہو رہے تھے، قطری وزارت خارجہ

دوحہ (ڈیلی پاکستان آن لائن) قطر کی وزارتِ خارجہ کے ترجمان ماجد الانصاری نے وائٹ ہاؤس کے اس دعوے کی تردید کی ہے کہ امریکہ نے اسرائیلی حملوں سے قبل قطر کو مطلع کیا تھا۔

ماجد الانصاری کا بیان

ایک بیان میں ماجد الانصاری نے کہا ’’یہ بیانات کہ ریاستِ قطر کو حملے سے پہلے آگاہ کیا گیا تھا، مکمل طور پر بے بنیاد ہیں۔‘‘

امریکی اہلکار کی فون کال

انہوں نے مزید کہا ’’امریکی اہلکار کی طرف سے جو فون کال موصول ہوئی، وہ دوحہ میں اسرائیلی حملے کے دھماکوں کی آوازوں کے دوران ہوئی۔‘‘

وائٹ ہاؤس کے ترجمان کا بیان

اس سے قبل وائٹ ہاؤس کی ترجمان کیرولین لیویٹ نے کہا تھا کہ اسرائیل کے منصوبے سے آگاہ کیے جانے کے بعد ’’صدر ٹرمپ نے فوری طور پر خصوصی ایلچی وٹکوف کو ہدایت دی کہ قطری حکام کو آنے والے حملے کے بارے میں مطلع کریں، اور انہوں نے ایسا ہی کیا۔‘‘