جمشید دستی کی نااہلی کیخلاف درخواستوں پر سماعت 16 ستمبر تک ملتوی
سابق رکن اسمبلی جمشید دستی کی نااہلی کا کیس
لاہور(ڈیلی پاکستان آن لائن) سابق رکن اسمبلی جمشید دستی کی نااہلی کے خلاف دائر چار مختلف درخواستوں پر سماعت 16 ستمبر تک ملتوی کر دی گئی۔
یہ بھی پڑھیں: پنجاب میں HPV ویکسینیشن مہم کا آغاز 15 ستمبر سے ہوگا، پسماندہ علاقوں میں ویکسین کی سپلائی کے لیے خصوصی انتظامات کئے گئے ہیں: ڈاکٹر ثمرہ خرم
لاہور ہائی کورٹ کی سماعت
نجی ٹی وی چینل دنیا نیوز کے مطابق لاہور ہائی کورٹ کے تین رکنی فل بنچ نے چیف جسٹس عالیہ نیلم کی سربراہی میں جمشید دستی کی نااہلی کے خلاف دائر چار مختلف درخواستوں پر سماعت کی، جسٹس حسن نواز مخدوم اور جسٹس خالد اسحاق بھی بنچ میں شامل ہیں۔
یہ بھی پڑھیں: علامہ اقبالؒ کے فلسفے کو اپناتے ہوئے قومی یکجہتی کو فروغ دینا ہوگا: چیف ایگزیکٹو لیسکو انجینئر محمد رمضان بٹ
اٹارنی جنرل کا نوٹس
فل بنچ نے سماعت کے دوران اٹارنی جنرل آف پاکستان کو نوٹس جاری کرتے ہوئے ذاتی حیثیت میں پیش ہونے کی ہدایت کی اور تحریری دلائل بھی دینے کو کہا، عدالت نے اٹارنی جنرل کے پیش نہ ہونے پر برہمی کا اظہار کیا، ایڈیشنل اٹارنی جنرل نصر احمد نے جواب داخل کرانے کے لیے مہلت طلب کی۔
یہ بھی پڑھیں: اگر ہم اسلامی اصولوں پر عمل نہ کریں تو ملک میں مہنگائی ہی ہوگی، علی محمد خان
قومی اسمبلی اور الیکشن کمیشن سے نوٹس
عدالت نے سپیکر قومی اسمبلی اور الیکشن کمیشن کے وکیل کو بھی نوٹس جاری کر کے جواب طلب کر لیا اور ہدایت دی کہ اگلی سماعت سے کیس روزانہ کی بنیاد پر چلایا جائے گا۔
انتخابی شیڈول کی معطلی
واضح رہے کہ عدالت نے این اے 175 مظفر گڑھ کے انتخابی شیڈول کو معطل کر رکھا ہے اور درخواست میں الیکشن کمیشن کے فیصلے اور عدالتی دائرہ اختیار کو چیلنج کیا گیا ہے.
