مجھے قطر سمیت دیگر ملکوں سے دھمکی آمیز کالز آ رہی ہیں، میری اہلیہ کو کہا گیا کہ طلاق دیدیں، طیب بلوچ کا نجی ٹی وی میں انکشاف

اسلام آباد میں صحافی پر دباؤ

پاکستان تحریک انصاف کے کارکنوں کے تشدد کا نشانہ بننے والے صحافی طیب بلوچ نے انکشاف کیا ہے کہ انہیں قطر سمیت دیگر ملکوں سے دھمکی آمیز کالز موصول ہو رہی ہیں۔

یہ بھی پڑھیں: وزیر خزانہ پنجاب مجتبیٰ شجاع الرحمان کا فیض پور کلاں شرقپور اور چوہنگ میں سیلاب متاثرین کیمپس کا دورہ

اہلیہ کو دھمکی

طیب بلوچ نے بتایا کہ ان کی اہلیہ کو کہا گیا ہے کہ وہ کنارہ کشی اختیار کریں، یعنی طلاق دے کر الگ ہو جائیں۔

یہ بھی پڑھیں: حکومت قومی اسمبلی اجلاس میں کورم پورا کرنے میں ناکام، اجلاس ملتوی

دھمکیوں کی تفصیلات

علیمہ خان سے میڈیا ٹاک کے دوران سخت سوالات پوچھے جانے کے بعد طیب بلوچ نے نجی ٹی وی سما نیوز کے پروگرام ریڈلائن میں میزبان طلعت حسین سے گفتگو کرتے ہوئے کہا کہ جب وہ پروگرام کے لئے آفس میں داخل ہوئے تو انہیں قطر سے کال موصول ہوئی، جس میں انہیں دھمکیاں دی جائیں رہی تھیں۔ طیب بلوچ نے مزید بتایا کہ ان کے پاس فون نمبر بھی موجود ہے اور انہیں وزیرستان، افغانستان اور پاکستان سے بھی کالز آ رہی ہیں۔

یہ بھی پڑھیں: سوالوں کے جواب نہیں دیں گی تو آپ کو میڈیا ٹاک بھی نہیں کرنے دیں گے، صحافی عون شیرازی کی علیمہ خان کو دھمکی

خوف و ہراس کی کیفیت

طیب بلوچ کا کہنا ہے کہ ان کی اہلیہ کو خوفزدہ کیا گیا ہے کہ 'ہم نے اپنے بندے اس کے پیچھے لگا دیئے ہیں، اسے کچھ بھی ہو سکتا ہے، بہتر ہے کہ آپ اپنے بچوں کو محفوظ کریں اور اس سے الگ ہو جائیں۔'

بدتمیزی کا الزام

انہوں نے مزید کہا کہ ان کے ساتھ جو کچھ ہوا ہے اس کی گواہی علیمہ خان کے سامنے بھی موجود ہے، جسے یہ بدتمیزی کہا جا رہا ہے۔