پنجاب حکومت نے سیلاب متاثرین کیلئے ائیر لفٹ ڈرون حاصل کر لیا، کتنی صلاحیت رکھتا ہے ؟ جانیے

پنجاب حکومت کا اقدام

لاہور (طیبہ بخاری سے) پنجاب حکومت نے سیلاب متاثرین کیلئے ائیر لفٹ ڈرون حاصل کر لیا ہے۔ اس ڈرون کی صلاحیت اور استعمال کے حوالے سے اہم تفصیلات سامنے آئی ہیں۔

یہ بھی پڑھیں: انگلینڈ کے خلاف پاکستان کی مضبوط پوزیشن: ‘یہ سعود شکیل کی بہترین سنچری ہے’

ڈرون کی خصوصیات

اس جدید ڈرون کی خاصیت یہ ہے کہ یہ 200 کلوگرام تک وزنی شخص کو اٹھا کر محفوظ مقام تک منتقل کرنے کی صلاحیت رکھتا ہے۔ سیکرٹری داخلہ پنجاب نے ہدایت کی ہے کہ سیلاب میں پھنسے افراد کو ریسکیو کرنے کیلئے یہ ڈرون فوری طور پر ملتان بھیجا جائے۔ جنوبی پنجاب میں بھیجنے سے قبل سول ڈیفنس نے لاہور میں دریائے راوی پر ڈرون کی ٹیسٹ فلائٹس مکمل کی ہیں۔

یہ بھی پڑھیں: صدر ٹرمپ کے عمران خان کا ذکر نہ کرنے اور فیلڈ مارشل کی تعریفوں کی وجہ بالآخر سینئر صحافی سہیل وڑائچ نے بتادی

مزید ڈرونز کی خریداری

سیکرٹری داخلہ پنجاب، ڈاکٹر احمد جاوید قاضی نے سول ڈیفنس کیلئے 10 مزید ائیر لفٹ ڈرونز کی خریداری کی ہدایت بھی کی ہے۔ انہوں نے کہا کہ پاکستان میں یہ اپنی نوعیت کی پہلی ایمرجنسی ائیر لفٹ ڈرون سروس ہے۔ محکمہ داخلہ پنجاب سول ڈیفنس ریزیلئنس کور کو جدید آلات اور تربیت کی مدد سے عالمی معیار کے مطابق تیار کر رہا ہے۔ یہ ڈرون سروس ناقابل رسائی اور خطرناک مقامات سے انسانوں کو محفوظ انداز میں ائیر لفٹ کرنے کی قابلیت رکھتی ہے۔

یہ بھی پڑھیں: سعودی عرب نے پاکستان کے حج کوٹے میں اضافہ کردیا

سول ڈیفنس کی خدمات

سیکرٹری داخلہ نے بیان کیا کہ سیلاب اور ہنگامی صورتحال میں سول ڈیفنس جوان فرنٹ لائن سولجرز کے طور پر کام کر رہے ہیں۔ انکے تربیت یافتہ اہلکار و رضاکار نہ صرف قیمتی انسانی جانیں بچا رہے ہیں بلکہ سیلاب متاثرین اور انکے مویشیوں کو محفوظ مقامات پر منتقل کرنے کے ساتھ شیلٹر، خوراک اور ادویات کی فراہمی میں بھی مصروف عمل ہیں۔

رضاکاروں کی رجسٹریشن

سول ڈیفنس ریزیلئنس کور میں شہریوں کی بطور رضاکار رجسٹریشن کا عمل جاری ہے۔ رواں ہفتے 4000 سے زائد رضاکار اپنے ناموں کی رجسٹریشن کروا چکے ہیں۔ شہری اپنی صلاحیت کے مطابق خدمات سرانجام دینے کیلئے آن لائن پورٹل پر بطور سول ڈیفنس رضاکار رجسٹریشن کرا سکتے ہیں۔