جلالپور پیروالا کے سیلاب متاثرین کے لیے خصوصی پیکج کا اعلان، ایک ایک فرد کا نقصان پورا کریں گے: مریم نواز

وزیر اعلیٰ پنجاب مریم نواز کا دورہ جلالپور پیروالا

لاہور (ڈیلی پاکستان آن لائن) وزیر اعلیٰ پنجاب مریم نواز فلڈ ریلیف کیمپ سے جلالپور پیروالا سٹی کے حفاظتی بند پر پہنچ گئیں۔ جلالپور پیروالا بائی پاس پر وزیراعلیٰ مریم نواز کو دیکھ کر ہزاروں کا مجمع امڈ آیا۔

یہ بھی پڑھیں: چیئرمین سینیٹ کی ایران کے نئے سپریم لیڈر کو مبارکباد، باہمی تعلقات مزید مضبوط بنانے کے عزم کا اظہار

حفاظتی بند کا اعلان

وزیراعلیٰ نے جلالپور پیروالا کے لئے مستقل حفاظتی بند بنانے کا اعلان کیا۔ انہوں نے سینئر منسٹر مریم اورنگزیب کو جلالپور پیروالا میں انخلاء آپریشن کی مانٹیرنگ کے لئے قیام کرنے کی ہدایت کی۔

یہ بھی پڑھیں: لاہور ہائیکورٹ میں 27ویں آئینی ترمیم کیخلاف درخواستیں 5 دسمبر کو سماعت کے لئے مقرر

ایکسپریس وے اور مالی امداد

وزیراعلیٰ نے اُچ شریف کے لئے گیلانی ایکسپریس وے پراجیکٹ اور جلالپور پیروالا کے سیلاب متاثرین کے لئے سپیشل پیکج کا اعلان کیا۔ سیلاب کے دوران جاں بحق ہونے والے افراد کے ورثاء کے لیے 10،10 لاکھ امداد کا اعلان کیا ہے۔ سیلاب سے منہدم ہونے والے مکمل گھر پر 10 لاکھ اور ایک کمرہ گرنے پر 5 لاکھ امداد کا اعلان کیا ہے۔

یہ بھی پڑھیں: مسلم لیگ لائیزر فورم پنجاب اور لاہور میں مرکزی قیادت کی جانب سے جو نامزد گیان کی گئیں ان کے باعث مسلم لیگی وکلاء کئی دھڑوں میں بٹ گئے

مویشیوں کے نقصان کی امداد

وزیراعلیٰ مریم نواز نے سیلاب کے دوران بڑے مویشیوں کے نقصان پر 5 لاکھ اور چھوٹے جانور کے لئے 50 ہزار روپے امداد دینے کا بھی اعلان کیا۔

یہ بھی پڑھیں: مجھے سیاسی انتقام کا نشانہ بنایا گیا، جیل میں قید کروایا گیا اور زہر دلوایا گیا، آج عمران خان خود جیل میں ہیں اور یہ سب مکافاتِ عمل ہے، فیصل رضا عابدی

خطاب اور عزم

وزیراعلیٰ نے سیلاب متاثرین سے پرجوش اور پر اثر خطاب کرتے ہوئے کہا کہ "میں محمد نواز شریف کی بیٹی ہوں، اپنا ہر وعدہ پورا کروں گی۔ سیلاب سے متاثرہ ایک ایک فرد کا نقصان پورا کریں گے۔ انسانی جان کی کوئی قیمت نہیں دے سکتی مگر جاں بحق افراد کے ورثاء کے لئے جو بھی ممکن ہوا کریں گے۔" انہوں نے مزید کہا کہ "جلالپور پیروالا میں بہت سے لوگ سیلاب میں پھنسے ہوئے ہیں، سب کو ریسکیو کرنا ہے۔"

ہمدردی اور کوششیں

وزیراعلیٰ نے کہا کہ "سیلاب متاثرین ہمارے مہمان ہیں، جب تک پانی نہ اترے، گھر نہیں جانا۔ سب کو بچانے کی پوری کوشش کررہے ہیں۔ بہت بڑا سیلاب اور بہت بڑی تباہی آئی ہے۔ جاں بحق ہونے والے کو واپس نہیں لاسکتے مگر ان کے ورثاء کے ساتھ پوری ہمدردی ہے اور ان کے ساتھ ہیں۔ اللہ تعالیٰ کے حکم پر کسی کا زور نہیں چلتا، لیکن ہر فرد کے لیے پوری کوشش کررہے ہیں۔"