سفیر پاکستان کا العین میں شیخ تہنون بن محمد میڈیکل سٹی (STMC) اور سلمیٰ بحالی مرکز کا دورہ

دبئی (طاہر منیر طاہر)  سفیرپاکستان برائے متحدہ عرب امارات فیصل نیاز ترمذی نے العین میں شیخ تہنون بن محمد میڈیکل سٹی (STMC) اور سلمیٰ بحالی مرکز کا دورہ کیا۔

مقامی قیادت کا استقبال

چیف ایگزیکٹو آفیسر  سلطان محمد الکرام اور چیف آپریٹنگ آفیسر  عیسیٰ جابر الکویتی نے اپنی ٹیم کے ساتھ سفیر پاکستان کا پرتپاک استقبال کیا۔

پاکستانی مریضوں کی عیادت

ہسپتال میں پاکستانی مریضوں کی عیادت کی، ان کی صحت کے بارے میں دریافت کیا اور ان کی جلد صحت یابی کی خواہش کی۔

طبی عملے کی تعریف

سفیر نے ڈاکٹروں، سرجنز اور پیرا میڈیکل سٹاف کی پیشہ ورانہ مہارت اور ہمدردانہ نگہداشت پر تعریف کی۔ انہوں نے مریضوں اور ہسپتال کی قیادت دونوں کو سفارتخانے کے مکمل تعاون کی یقین دہانی کرائی۔

ویلنس اوسس کا دورہ

سفیرفیصل نیاز ترمذی نے ہسپتال کے منفرد ویلنس اوسس کا بھی دورہ کیا اور جدید ترین سہولیات کی تعریف کی۔ انہوں نے صحت کی دیکھ بھال میں بہترین کارکردگی اور پاکستانی مریضوں کو مثالی دیکھ بھال فراہم کرنے کے لیے انتظامیہ کا شکریہ ادا کیا۔