ملک میں 6 ماہ کے دوران بینکوں کے اثاثے 11 فیصد تک بڑھ گئے

بینکنگ سیکٹر کی ترقی

کراچی(ڈیلی پاکستان آن لائن) ملک میں بینکنگ سیکٹر کے اثاثے گذشتہ 6 ماہ کے دوران 11 فیصد بڑھ گئے۔ سٹیٹ بینک نے کارکردگی رپورٹ جاری کردی ہے۔

یہ بھی پڑھیں: گاڑی رکتے ہی مسافر پیچھے مڑ کر دیکھنے کے روادار نہیں ہوتے، چلتی گاڑی میں طے کی گئی منگنیاں کسی کمزور رسے کی پینگ کی طرح تڑاک کرکے ٹوٹ جاتی ہیں

سٹیٹ بینک کی رپورٹ کی تفصیلات

نجی ٹی وی سما نیوز کے مطابق سٹیٹ بینک کی جانب سے جاری کردہ رپورٹ جنوری سے جون 2025 کی کارکردگی پر مبنی ہے۔ رپورٹ کے مطابق بینکنگ سیکٹر کا منافع مستحکم رہا، جبکہ مالیاتی منڈیوں میں 6 ماہ کے دوران اتار چڑھاؤ بھی دیکھا گیا، لیکن بینکنگ سیکٹر شدید دباؤ کی صورت میں بھی مستحکم رہا۔

یہ بھی پڑھیں: جنرل کیانی اور جنرل پاشا نے چیتے کو میدان میں اتارا تاکہ شیر اور ہاتھی کے معاہدے کو چیلنج کرکے انہیں فارغ کر دے: سہیل وڑائچ

اثاثوں میں اضافہ

بینکوں کے اثاثوں میں زیادہ تر اضافہ سرکاری سیکورٹیز میں سرمایہ کاری کی بدولت ہوا۔ اس کے نتیجے میں، ڈیپازٹس میں 17.7 فیصد اضافے کے ساتھ بینکوں کا قرض پر انحصار کم ہوگیا۔

قرضوں کے ڈیفالٹ کی صورتحال

رپورٹ کے مطابق قرضوں کے ڈیفالٹ کا مجموعی تناسب 7.4 فیصد رہا، جبکہ نیٹ بنیاد پر یہ منفی 0.5 فیصد رہا۔ رپورٹ میں مزید کہا گیا ہے کہ جغرافیائی کشیدگی کے سنگین خطرات کے باوجود مالیاتی نظام پر اعتماد برقرار ہے۔