گندم مارکیٹ کریش، قیمت 700 روپے تک کم ہو گئی۔

گندم قیمتوں میں کمی

لاہور(ڈیلی پاکستان آن لائن) وزیراعلیٰ پنجاب مریم نواز کے احکامات پر گندم مارکیٹ میں کریک ڈاؤن کے نتیجے میں قیمت میں کمی آ گئی۔

یہ بھی پڑھیں: لاہور کے سرکاری ہسپتالوں سے نومولود بچوں کے اغوا کا سلسلہ تھم نہ سکا،جنرل ہسپتال سے 2روز کا بچہ اغوا

کریک ڈاؤن کے نتائج

رپورٹ کے مطابق وزیراعلیٰ کے براہ راست احکامات کے بعد بڑے پیمانے پر کریک ڈاؤن کیا گیا جس کے بعد گندم کی قیمت میں 700 روپے فی من تک کمی آ گئی۔

یہ بھی پڑھیں: پنجاب بیت المال کونسل کا پہلا اجلاس ،فلاحی منصوبے “بے روزگاری سے خوشحالی تک” کے قیام کی منظوری

قیمتیں کنٹرول کرنے کے اقدامات

پنجاب حکومت نے بڑا فیصلہ کرتے ہوئے پرائس کنٹرول اور فوڈ مینجمنٹ کے اعلیٰ افسران کے تبادلے کر دیے۔ فلور ملز مالکان کی طرف سے بیس کلو آٹے کا ایکس مل ریٹ 1760 اور ریٹیل 1810 روپے مقرر کرنے کا اعلان کیا گیا ہے۔

مارکیٹ میں نئی قیمتیں

اسلام آباد، راولپنڈی، گوجرانوالہ اور لاہور میں اوپن مارکیٹ میں گندم 4000 سے گر کر 3500 روپے فی من ہو گئی ہے۔ وزیراعلیٰ مریم نواز نے واضح ہدایات دی ہیں کہ ذخیرہ اندوزی کے خلاف سخت کارروائی کی جائے اور عوام کو ریلیف دیا جائے۔