ایتھوپیا وزٹ ویزے کی آڑ میں غیر قانونی طور پر یورپ جانے کی کوشش ناکام، 3 مسافر گرفتار

غیر قانونی یورپی سفر کی کوشش ناکام

فیصل آباد (ڈیلی پاکستان آن لائن) ایتھوپیا وزٹ ویزے کی آڑ میں سمندر کے راستے غیر قانونی طور پر یورپ جانے کی کوشش ناکام ہوگئی۔ ایف آئی اے امیگریشن فیصل آباد نے 3 مسافروں کو آف لوڈ کرکے حراست میں لے لیا۔

یہ بھی پڑھیں: امریکی صدر ڈونلڈ ٹرمپ نے کرپٹو ایکسچینج ’ بائنانس‘ کے بانی ’ چانگ پینگ ژاؤ‘ کو معاف کر دیا۔

مسافروں کی شناخت

ترجمان ایف آئی اے کے مطابق مسافروں میں عاطف شفیق، محمد سفیان اور عبدالرحمان شامل ہیں۔ یہ مسافر فلائٹ نمبر FZ-356 کے ذریعے وزٹ ویزے پر ایتھوپیا جا رہے تھے، جن کا تعلق منڈی بہاء الدین، گوجرانوالہ اور بھمبر سے ہے۔

یہ بھی پڑھیں: آنیوالے دنوں میں پی ٹی آئی کا خطرناک منصوبہ منظر عام پر لاؤں گا : فیصل واوڈا

تفتیش کے دوران مشکوک فعل

امیگریشن کلیئرنس کے دوران مسافروں کو مشکوک پایا گیا۔ انہوں نے ایتھوپیا وزٹ ویزے کی آڑ میں لیبیا جانے کا ارادہ کیا تھا، بعد ازاں لیبیا سے غیر قانونی سمندر کے راستے یورپ جانے کا منصوبہ بنایا تھا۔

مزید کارروائی

ترجمان ایف آئی اے کے مطابق ایجنٹوں کی نشاندہی کیلئے مسافروں کو کمپوزٹ سرکل فیصل آباد منتقل کر دیا گیا۔