عراقی فضائیہ کے کمانڈر کی قیادت میں اعلیٰ سطحی دفاعی وفد کی پاک فضائیہ کے سربراہ ظہیر احمد بابر سدھو سے ملاقات

پاکستان اور عراق کی فضائیہ کے درمیان تعاون

اسلام آباد (ڈیلی پاکستان آن لائن) پاکستان اور عراق کی فضائیہ نے آپریشنل ہم آہنگی مستحکم کرنے کے لیے مشترکہ مشقوں اور تربیتی اقدامات پر اتفاق کیا ہے۔

یہ بھی پڑھیں: وزیراعلیٰ پنجاب کا قاسم بیلہ ریلیف کیمپ کا دورہ،تفصیلی بریفنگ،بچوں کیلئے کھانا، دودھ اور دیگر ضروریات پوری کرنے کی ہدایت

عراقی فضائیہ کا دورہ

آئی ایس پی آر کے مطابق عراق کی فضائیہ کے کمانڈر لیفٹیننٹ جنرل اسٹاف پائلٹ موہنند غالب محمد رعدی الاسدی کی قیادت میں دفاعی وفد نے ایئر ہیڈکوارٹر اسلام آباد کا دورہ کیا۔ پاک فضائیہ کے سربراہ ائیر چیف مارشل ظہیر احمد بابر سدھو نے معزز مہمان کو خوش آمدید کہا، وفد کی آمد پر پاک فضائیہ کے چاق و چوبند دستے نے انہیں گارڈ آف آنر بھی پیش کیا۔ ملاقات کے دوران دونوں ممالک کے درمیان باہمی تعاون کے مختلف پہلوؤں پر تبادلہ خیال کیا گیا، جس میں خاص طور پر مشترکہ تربیت، صلاحیتوں میں اضافہ اور ایوی ایشن انڈسٹری میں پیشرفت پر زور دیا گیا۔

یہ بھی پڑھیں: پاکستانی طبی کارکن چین میں روایتی چینی طب سیکھنے میں مصروف عمل

تاریخی تعلقات کا اجاگر

ایئرچیف مارشل ظہیر احمد بابر سدھو نے اس موقع پر پاکستان اور عراق کے درمیان مذہبی و تاریخی تعلقات کو اجاگر کرتے ہوئے کہا کہ یہی رشتے دونوں ممالک کی فضائیہ کے دیرینہ تعلقات کی بنیاد ہیں۔

یہ بھی پڑھیں: اسلام آباد ہائیکورٹ کا عمران خان کو دوپہر تین بجے پیش کرنے کا حکم

عراقی فضائیہ کے لیے تعاون کا عزم

انہوں نے عراقی فضائیہ کو ہر ممکن تعاون فراہم کرنے کے عزم کا اعادہ کیا اور اس بات کو یقینی بنایا کہ پاک فضائیہ تربیت اور استعداد کار بڑھانے میں عراقی فضائیہ کی بھرپور معاونت جاری رکھے گی۔

یہ بھی پڑھیں: حسن علی نے ’’کنگ کرلے گا‘‘ جملہ کیوں کہا تھا؟ وضاحت سامنے آگئی

مشترکہ مشقوں پر اتفاق

دونوں فضائیہ کے سربراہان نے مشترکہ مشقوں اور تربیتی اقدامات پر اتفاق کیا تاکہ آپریشنل ہم آہنگی مزید مستحکم ہو سکے۔

یہ بھی پڑھیں: کافی کا روزانہ استعمال خواتین کے بڑھاپے پر کس طرح اثر انداز ہو سکتا ہے؟ نئی تحقیق میں حیران کن انکشاف

عراقی فضائیہ کے کمانڈر کا شکریہ

عراقی فضائیہ کے کمانڈر نے شاندار استقبال اور مہمان نوازی پر شکریہ ادا کرتے ہوئے پاک فضائیہ کی وژنری قیادت کو سراہا اور اسے خطے کی جدید، پیشہ ورانہ اور ٹیکنالوجی سے لیس فضائی قوت قرار دیا۔

یہ بھی پڑھیں: عمران خان کے قول و فعل میں تضاد، انہوں نے سیاست موروثیت کے خلاف شروع کی، اب فیملی کو آگے کردیا: فخر درانی

عراقی فضائیہ کے تربیتی نظام کی بہتری

انہوں نے عراق میں فضائی تربیتی نظام کو ازسرِ نو ترتیب دینے کے عزم کا اظہار کیا اور اس ضمن میں پاک فضائیہ سے مدد کی خواہش ظاہر کی۔

یہ بھی پڑھیں: منڈی بہاالدین میں مزدور کی بیوی سے بااثر افراد کی اجتماعی زیادتی

پاک فضائیہ کے تجربات سے استفادہ

انہوں نے کہا کہ عراقی فضائیہ پاک فضائیہ کے پائلٹس کی مہارت اور تجربے سے براہِ راست استفادہ کرنا چاہتی ہے اور ایک جدید تربیتی ڈھانچہ قائم کرنے میں پاک فضائیہ کی رہنمائی کو انتہائی قیمتی سمجھتی ہے۔

یہ بھی پڑھیں: علی بخاری نے الیکشن ٹریبونل کی تبدیلی کا فیصلہ سپریم کورٹ میں چیلنج کر دیا

قومی ایرو اسپیس سائنس اینڈ ٹیکنالوجی پارک کا دورہ

لیفٹیننٹ جنرل موہنند غالب الاسدی نے قومی ایرو اسپیس سائنس اینڈ ٹیکنالوجی پارک کا بھی دورہ کیا اور پاک فضائیہ کے تخلیقی اقدامات اور ملکی استعداد سے گہرا تاثر لیا۔ انہوں نے کہا کہ عراق بھی ایسا ہی ایک نظام قائم کرنے کا خواہاں ہے جس میں تعلیمی ادارے، صنعت اور عسکری ضروریات ایک چھتری تلے منسلک ہوں۔

نیشنل آئی ایس آر اینڈ انٹیگریٹڈ ایئر آپریشنز سینٹر کا دورہ

بعد ازاں وفد نے نیشنل آئی ایس آر اینڈ انٹیگریٹڈ ایئر آپریشنز سینٹر اور پی اے ایف سائبر کمانڈ کا بھی دورہ کیا جہاں انہیں پاک فضائیہ کی آپریشنل صلاحیتوں اور جدید ٹیکنالوجی سے آگاہ کیا گیا۔