اے این ایف کا منشیات اسمگلنگ کے خلاف کریک ڈاؤن، 9ملزم گرفتار ، 1کروڑ 60لاکھ روپے سے زائد مالیت کی منشیات برآمد

ایروین کی کاوشیں

اسلام آباد (ڈیلی پاکستان آن لائن) اے این ایف کا تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کریک ڈاؤن، 8 کارروائیوں کے دوران 9 ملزمان گرفتار کر کے ایک کروڑ 60 لاکھ روپے سے زائد مالیت کی 153 کلوگرام منشیات برآمد کرلی گئی۔

یہ بھی پڑھیں: وزیراعظم کے تن پر خود کپڑا نہیں، عوام کو کیا ریلیف دینا ہے، فواد چودھری

گرفتاریوں کی تفصیلات

ترجمان کے مطابق کاک پل اسلام آباد کے قریب 2 مسافروں کے قبضے سے 1200 گرام چرس برآمد کر کے ملزمان گرفتار کر لئے گئے۔ اسلام آباد میں یونیورسٹی کے قریب ملزم سے 76 گرام چرس اور 245 گرام کلونزوپام ڈراپس برآمد کئے گئے، گرفتار ملزم نے تعلیمی اداروں کے طلباء کو منشیات فروخت کرنے کا اعتراف بھی کیا۔

یہ بھی پڑھیں: خطے میں انٹرنیٹ بندش کے حوالے سے ممالک میں پاکستان کا نمبر بہت پیچھے ہے،چیئرمین پی ٹی اے

لاہور کی کارروائیاں

لاہور میں علامہ اقبال ایئرپورٹ پر سعودی عرب جانے والے مسافر کے پیٹ سے 210 گرام وزنی 35 عدد کوکین بھرے کیپسولز برآمد ہوئے۔

حیات آباد پشاور میں واقع کوریئر آفس میں لاہور بھیجے جانے والے پارسل سے 536 گرام وزنی 890 ایکسٹیسی گولیاں برآمد کی گئیں۔

یہ بھی پڑھیں: جرمنی سے ملنے والی 1800 سال پرانی ایسی چیز جو یورپ میں عیسائیت کی تاریخ بدل سکتی ہے

دیگر مقامات پر کامیابیاں

پشین کے علاقے یارو میں موٹر سائیکل سوار ملزم کے قبضے سے 15 کلو چرس برآمد کی گئی۔

حب روڈ کراچی کے قریب گاڑی سے 116.400 کلو چرس برآمد کی گئی، 2 ملزمان گرفتار ہوئے۔

چونگی نمبر 26 اسلام آباد کے قریب ملزم کے قبضے سے 2.4 کلو افیون اور 2.4 کلو چرس برآمد کی گئی۔

مزید اقدامات

پشین کے علاقے یارو میں ایک اور کارروائی کے دوران موٹر سائیکل سوار ملزم کے قبضے سے 15 کلو چرس برآمد کی گئی۔

ترجمان اے این ایف کا کہنا ہے کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔