ہم سب مل کر اس آزمائش کو عزم و حوصلے کے ساتھ عبور کریں گے: وزیر تعلیم

وزیر تعلیم کا ملتان میں دورہ

لاہور (ڈیلی پاکستان آن لائن) وزیر تعلیم رانا سکندر حیات گزشتہ 3 روز سے مسلسل ملتان میں موجود ہیں جہاں وہ رات گئے تک ریلیف کے کاموں کی نگرانی کر رہے ہیں۔

یہ بھی پڑھیں: صحافی پر افغانی ہونے پر شناختی کارڈ منسوخی کے خلاف کیس، وزارتِ داخلہ کو 30 روز میں اپیل پر فیصلہ کرنے کا حکم

ریلیف کیمپوں کا دورہ

رانا سکندر حیات سیلابی صورتحال اور انتظامی سہولیات کا جائزہ لینے کے ساتھ ساتھ ریلیف کیمپوں کا دورہ کر کے متاثرین کی داد رسی میں مصروف ہیں۔ وزیر تعلیم نے انتظامیہ کو ہدایت کی ہے کہ ریلیف کے امور میں کوئی کسر نہ چھوڑی جائے اور سیلاب متاثرین کی سہولیات کے لیے بروقت اور مؤثر اقدامات یقینی بنائے جائیں۔

یہ بھی پڑھیں: ایران کے معاملے پر حکومت کا مؤقف حق پر مبنی ہے،وزیرِ اعظم کوئی بھی ہو ہم ایک ہیں: نواز شریف

وزیر تعلیم کا پیغام

رانا سکندر حیات کا کہنا ہے کہ ریسکیو ٹیمیں اور ضلعی انتظامیہ ہر لمحہ سیلاب متاثرین کی خدمت میں مصروف ہیں اور ریلیف کیمپوں میں متاثرین کی ضروریات کا خیال رکھا جائے۔ ہم سب مل کر اس آزمائش کو عزم و حوصلے کے ساتھ عبور کریں گے۔ ہماری اولین ترجیح متاثرین کی مشکلات کم کرنا اور بچوں کے چہروں پر مسکراہٹ واپس لانا ہے۔

ریلیف آپریشن کی رفتار

وزیر اعلیٰ پنجاب کی ہدایت پر ملتان ڈویژن میں ذمہ داری سنبھالی گئی ہے۔ متاثرین کی مدد مکمل ذمہ داری سے کی جا رہی ہے اور ریسکیو اور ریلیف آپریشن تیز رفتاری سے جاری ہے۔ متاثرین کے محفوظ انخلا کے لیے ہر ممکن وسائل بروئے کار لائے جا رہے ہیں۔