Several Migrants Drown at Sea While Attempting to Reach England from France

پیرس(ڈیلی پاکستان آن لائن) فرانس سے غیر قانونی طور پر انگلینڈ جانے کے لیے بحری راستہ عبورکرنے کی کوشش میں بچے سمیت کئی تارکین ہلاک ہو گئے۔

حکام کی تفصیلات

خبر رساں ایجنسی نے فرینچ کوسٹ گارڈ کے حوالے سے بتایا کہ بحری راستے کے ذریعے غیر قانونی طور پر انگلینڈ جانے والوں میں 10 خواتین سمیت متعدد نوجوان لڑکیاں بھی کشتی پر سوار تھیں، 65 سے زائد افراد کو ریسکیو کر لیا گیا ہے۔

ریسکیو آپریشن

مقامی بحری حکام نے بتایا کہ ہفتے کی صبح ایک ہیلی کاپٹر نے کشتی ڈوبتے دیکھا تو ریسکیو کا عمل شروع کیا۔

وزیر داخلہ کا بیان

دوسری جانب فرانسیسی وزیر داخلہ نے اسے خوفناک سانحہ قرار دیتے ہوئے کہا ہے کہ مرنے والوں کا خون انسانی اسمگلرز کے ہاتھوں پر ہے، فرانس ان مافیاز کے خلاف جنگ تیز کرے گا۔

ماضی کے واقعات

واضح رہے کہ یہ واقعہ تارکین وطن کی کشتی ڈوبنے کا تازہ ترین واقعہ ہے، اس سے قبل گزشتہ ماہ ایک واقعہ پیش آیا تھا جس میں 12 تارکین وطن اس وقت ہلاک ہوئے جب ان کی کشتی چینل میں الٹ گئی تھی۔