ایچ بی ایل کے برانچ مینجر کا تاندلیانوالہ میں خاتون کے ساتھ فراڈ، بینک انتظامیہ سچ جاننے کے باوجود خاموش

فیصل آباد میں دھوکہ کا واقعہ

تاندلیانوالہ HBL کے برانچ مینجر نے خاتون کے ساتھ دھوکہ کرتے ہوئے اس کے اکاونٹ سے 1.2 کروڑ روپے نکال لیئے اور کئی مہینوں تک ٹال مٹول کرتا رہا۔ جب حقیقت کھلی تو خاتون کی زندگی تبدیل ہو گئی۔ اب وہ خاتون سے معافیاں مانگ رہا ہے اور کہہ رہا ہے کہ 10 لاکھ لے لو اور مجھے معاف کر دو۔ اس کے علاوہ خاتون کو دھمکیاں بھی دی جارہی ہیں۔

یہ بھی پڑھیں: لاہور میں تعلیمی سرگرمیاں یکم ستمبر سے بحال ہوں گی، پاک پتن، عارفوالا میں تاحکم ثانی بند رکھنے کا اعلان

خاتون کا ویڈیو بیان

تفصیلات کے مطابق خاتون نے ویڈیو بیان جاری کرتے ہوئے کہا: "میں تاندلیانوالہ کی رہائشی ہوں اور میرا اکاونٹ ایچ بی ایل میں تھا۔ تقریباً چھ سات سال سے یہ اکاونٹ فعال تھا اور میں نے ایک کروڑ 20 لاکھ روپے اکاونٹ میں رکھوائے تھے۔ اب میرے پیسے اکاونٹ سے غائب ہو چکے ہیں۔ میرے چیکس گھر سے غائب ہوئے یا بینک مینجر نے انہیں پھاڑ کر رکھ لیئے۔ مجھے اس بات کا کوئی علم نہیں ہے۔

یہ بھی پڑھیں: افسر کو گریڈ 20 سے 21 میں ترقی نہ دینے کا سینٹرل سلیکشن بورڈ کا فیصلہ کالعدم قرار

بینک کے مینجر کی غلط بیانی

خاتون نے کہا: "میرا موقف ہے کہ میرے دستخط اور سی بی سی کال کے بغیر اتنی بڑی رقم کیسے نکالی گئی؟ بینک مینجر ابوبکر مسلسل غلط بیانی کر رہے ہیں کہ آپ کے اکاونٹ میں پیسے مکمل ہیں۔ لیکن بعد میں انہوں نے مجھے خود میسج کیا جس میں انہوں نے اعتراف کیا کہ اپنی غلطی کے باعث میں نے آپ کے پیسے نکال کر دوسرے اکاونٹ میں منتقل کیے۔"

یہ بھی پڑھیں: سفری پابندیوں کے شکار پاکستانیوں کی تعداد ایک لاکھ سے تجاوز کر گئی، صحافی، یوٹیوبرز اور سوشل میڈیا ایکٹوسٹ بھی شامل

خاتون کی اپیل

خاتون کا کہنا ہے: "میرے پاس ان کے سکرین شاٹس موجود ہیں، وہ اپریل سے لے کر 22 اگست تک مجھے غلط بیلنس بتاتے رہے ہیں۔ میری اعلیٰ افسران سے درخواست ہے کہ انصاف فراہم کریں۔ یہ رقم میرے والد نے میرے بہن بھائیوں کی کفالت کے لئے رکھی تھی۔ اب میں انہیں کس چیز کا جواب دوں؟"

یہ بھی پڑھیں: کیا 100 نہتے آدمی گوریلا کا مقابلہ کرسکتے ہیں؟ ماہر حیوانات نے مشہور سوال کا حیران کن جواب دے دیا

تحقیقات کی عدم شفافیت

خاتون نے بتایا: "ایچ بی ایل کے اعلیٰ افسران نے تحقیقات کی ہیں، جن کے دوران چیکس پر میرے دستخط میچ نہیں ہوئے۔ میں نے 6 مہینے کا سی ڈی آر ریکارڈ نکلوایا ہے، جس میں مجھے ایچ بی ایل کی طرف سے ایک بھی سی بی سی کال موصول نہیں ہوئی۔ ایک لاکھ کی ٹرانزیکشن پر کال آتی ہے تو پھر بڑی ٹرانزیکشنز پر کیوں نہیں آئی؟"

قانونی کارروائی

خاتون نے مزید کہا: "میں نے ایف آئی اے اور وفاقی محتسب کو بھی درخواست جمع کروائی ہے، اور متعلقہ تھانے میں بھی درخواست دی ہے، لیکن ابھی تک کوئی جواب نہیں آیا۔ مریم نواز سے بھی درخواست ہے کہ وہ میرے لئے انصاف کریں کیونکہ مجھے دھمکیاں دی جارہی ہیں اور میں اپنی حفاظت کے بارے میں بہت فکرمند ہوں۔"