پیٹرولیم مصنوعات کی قیمتوں میں 4 روپے 79 پیسے فی لیٹر تک اضافے کا امکان

قیمتوں میں اضافے کا امکان

اسلام آباد(ڈیلی پاکستان آن لائن )پیٹرولیم مصنوعات کی قیمتوں میں اضافے کا امکان ہے۔

یہ بھی پڑھیں: الیکشن کمیشن میں ذاتی حیثیت سے طلبی پر وزیراعلیٰ کے پی سہیل آفریدی نے وکیل کو بھیج دیا

پیٹرولیم قیمتوں میں متوقع اضافہ

نجی ٹی وی ایکسپریس نیوز نے ذرائع سے دعویٰ کیاہے کہ 16 ستمبر سے پیٹرولیم مصنوعات کی قیمتوں میں 4 روپے 79 پیسے فی لیٹر تک اضافے کا امکان ہے۔ اس حوالے سے انڈسٹری نے ابتدائی ورکنگ مکمل کرلی ہے جس کے تحت پیٹرول ایک روپے 54 پیسے، ڈیزل 4 روپے 79 پیسے، مٹی کا تیل 3 روپے 6 پیسے اور لائٹ ڈیزل 3 روپے 68 پیسے فی لیٹر تک مہنگا ہونے کا امکان ظاہر کیا جا رہا ہے۔

یہ بھی پڑھیں: کراچی میں ٹریلر نے موٹر سائیکل کو ٹکر ماری دی، 2 سالہ بچہ جاں بحق، خاتون زخمی

اوگرا کی حتمی ورکنگ

ذرائع کا کہنا ہے کہ اوگرا 15 ستمبر کو حتمی ورکنگ پیٹرولیم ڈویژن کو بھجوائے گا جس کے بعد پیٹرولیم ڈویژن اور وزارتِ خزانہ لیوی اور دیگر ٹیکسز کے مطابق ورکنگ وزیراعظم کو ارسال کریں گے۔

حتمی منظوری

پیٹرولیم مصنوعات کی قیمتوں میں اضافے کی حتمی منظوری وزیراعظم دیں گے.