سیلابی ریلے سے علی پور اور گردونواح کے کئی دیہات متاثر، بھاری نقصان، مریم اورنگزیب لاتی ماڑی اور سیت پور پہنچ گئیں

علی پور میں سیلاب کی صورتحال

علی پور (ڈیلی پاکستان آن لائن) شدید سیلابی ریلے سے علی پور اور گردونواح کے کئی دیہات متاثر ہوگئے، جس کے باعث لوگوں کو بھاری نقصان اٹھانا پڑا ہے۔

یہ بھی پڑھیں: بیوی بچوں کو گاؤں چھوڑ آیا، جنگ میں ’’حصہ بقدر جثہ‘‘ ڈالنے کا سوچنے لگا، ایک باغ کی دیوار کے ساتھ ’’رانی توپ‘‘ نصب کر دی گئی، چلتی تو درو دیوار ہلا دیتی۔

وزیراعلیٰ کی ہدایت پر اقدام

وزیراعلیٰ پنجاب مریم نواز کی ہدایت پر سینئر منسٹر مریم اورنگزیب رات گئے علی پور کے سیلاب متاثرہ علاقوں لاتی ماڑی اور سیت پور پہنچیں اور امدادی سرگرمیوں کا جائزہ لیا۔

یہ بھی پڑھیں: بھارتی بزدلانہ حملے میں شہید اور زخمی ہونیوالے معصوم بچوں اور بے گناہ شہریوں کیلئے امدادی پیکج جاری

متاثرین کے مسائل کا حل

سینئر منسٹر مریم اورنگزیب نے سیلاب متاثرین سے ملاقات کی اور ان کے مسائل سنے۔ ساتھ ہی مریم اورنگزیب کی نگرانی میں انخلاء آپریشن بھی جاری رہا، اس دوران محفوظ مقامات تک رسائی کے لیے بیڑوں کا بھی استعمال کیا گیا۔

یہ بھی پڑھیں: پریانکا گاندھی نے مودی کی تقریر کو سکول میں ریاضی کا پیریڈ قرار دیدیا

ریلیف کی سرگرمیاں

مریم اورنگزیب کی نگرانی میں سیلاب متاثرہ خاندانوں میں ٹینٹ تقسیم کیے گئے جبکہ کھانے پینے کا سامان اور راشن بھی فراہم کیا گیا۔

امدادی سامان کی ترسیل

انتظامیہ نے سیلاب سے متاثرہ علاقوں میں ریسکیو اور ریلیف سرگرمیاں تیز کر دی ہیں۔ سینئر منسٹر مریم اورنگزیب نے اعلان کیا ہے کہ وہ خود مزید امدادی سامان لے کر سیت پور جائیں گی۔