لاہور میں 2 مزدور مبینہ طور پر زہریلے دہی بھلے کھانے سے جاں بحق
واقعہ کی تفصیلات
لاہور (ڈیلی پاکستان آن لائن) لاہور میں مبینہ طور پر زہریلے دہی بھلے کھانے سے دو مزدور دم توڑ گئے، جبکہ ایک کی حالت انتہائی تشویشناک ہے۔
یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا ؟
جاں بحق مزدوروں کی شناخت
تفصیلات کے مطابق لاہور کے علاقے ہنجروال میں مبینہ طور پر زہریلے دہی بھلے کھانے سے 2 مزدور جاں بحق ہوگئے ہیں، ایک مزدور کی حالت تشویشناک بتائی جارہی ہے جس کو جناح اسپتال منتقل کردیا گیا۔
یہ بھی پڑھیں: پاکستان کے دو ٹوک مؤقف کی عالمی سطح پر پذیرائی ہو رہی ہے، چین سے دوستی بھی درست سمت میں آگے بڑھ رہی ہے: عالمی جریدہ
پولیس اور پنجاب فوڈ اتھارٹی کی تحقیقات
پولیس کا کہنا ہے کہ جاں بحق مزدوروں کی شناخت ارشد اور سجاد کے نام سے ہوئی۔ جائے وقوعہ سے کھانے کے نمونے اور دیگر شواہد اکٹھے کیے گئے، پنجاب فوڈ اتھارٹی نے کھانے کے نمونے لے کر تفتیش شروع کردی۔
ورثا کا بیان
دوسری جانب ورثا کا کہنا ہے کہ کسی سے کوئی دشمنی نہیں، جو ہوا اللہ کی رضا ہے، کسی کے خلاف کوئی کارروائی نہیں چاہتے، پوسٹ مارٹم کے بغیر میتیں حوالے کردی جائیں۔
