وفاق نے چینی کی درآمد کیلئے ایک اور ٹینڈر جاری کر دیا، 23 ستمبر تک بولیاں طلب

ٹی سی پی کی نئی چینی درآمدی ٹینڈر

اسلام آباد (ڈیلی پاکستان آن لائن) ٹریڈنگ کارپوریشن آف پاکستان نے ایک لاکھ میٹرک ٹن چینی کی درآمد کے لیے ایک اور ٹینڈر جاری کر دیا ہے۔ اس کے لیے 23 ستمبر تک بولیاں طلب کی گئی ہیں جبکہ ٹینڈر دستاویز کے مطابق، بولیاں بھی اسی دن کھولی جائیں گی۔

یہ بھی پڑھیں: پاکستان کو آئی ایم ایف کی 1.2 ارب ڈالر کی قسط موصول

بولیوں کی شرائط

دستاویز کے مطابق، درآمد کے لیے 25 ہزار ٹن سے کم کی بولیاں منظور نہیں کی جائیں گی۔

یہ بھی پڑھیں: میرا گاؤں سیلاب میں ڈوب گیا، سات سال سے چیخ رہا ہوں کہ میرا گاؤں کٹاؤ کی زد میں ہے، میری کسی نے بات نہیں سنی، پیپلزپارٹی کے رہنما حسن مرتضیٰ گفتگو کرتے ہوئے جذباتی ہوگئے۔

پچھلے ٹینڈر کے نتائج

ڈان نیوز کے مطابق، 8 ستمبر کو ٹی سی پی کو ایک لاکھ میٹرک ٹن چینی درآمد کے لیے کھولے گئے ٹینڈر میں، گزشتہ ٹینڈر کے مقابلے میں کم ریٹ پر بولیاں موصول ہوئی تھیں۔ ٹی سی پی کو اس ٹینڈر کے تحت کم سے کم بولی 545 ڈالر فی میٹرک ٹن ملی تھی۔

یہ بھی پڑھیں: صنم سعید نے ڈراما انڈسٹری سے دوری کی وجہ بتا دی

موصولہ بولیاں

ٹی سی پی کی رپورٹ میں آگاہ کیا گیا ہے کہ 8 ستمبر کو کھولے گئے ٹینڈر میں مجموعی طور پر 5 بولیاں موصول ہوئیں، جن میں فی میٹرک ٹن نرخ 545 سے 578.50 ڈالر تک موصول ہوئے۔ سب سے کم بولی سوسڈن مڈل ایسٹ (یو اے ای) کی جانب سے 545 ڈالر فی میٹرک ٹن دی گئی تھی۔

سرکاری منظوری

یاد رہے کہ وفاقی کابینہ نے رواں سال جولائی میں 5 لاکھ میٹرک ٹن چینی درآمد کرنے کی منظوری دی تھی، جو سرکاری سطح پر ٹی سی پی کے ذریعے درآمد کی جا رہی ہے۔ حکومت نے چینی کی درآمد پر ٹیکسوں کی رعایت بھی دی ہوئی ہے۔